ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ວັນທີ 5 ກຸມພາ 2020 ຜ່ານມາ, ທີ່ແຂວງຫຼວງນໍ້າທາ  ໄດ້ຈັດງານງານວາງສະແດງສິນຄ້າ ມິນິໄທແລນດ໌ວີກ 2020 ທີ່ແຂວງຫຼວງນໍ້າທາ ງານຄັ້ງນີ້ຖືໄດ້ວ່າປະສົບຜົນສຳເລັດເປັນຢ່າງດີ ໂດຍມີເຈົ້າພາບທັງສອງຝ່າຍ ຈາກ ສປປ ລາວ ແລະ ປະເທດໄທ ໄດ້ໃຫ້ກຽດເຂົ້າຮ່ວມໂດຍ ທ່ານ ດໍາຣົງ ໃຄ່ຄວນ ເອກອັກຄະຣາດຊະທູດໄທ ປະຈໍານະຄອນຫຼວງວຽງຈັນ, ທ່ານຄໍາໄຫຼ ສີປະເສີດ ຮອງເຈົ້າແຂວງ ແຂວງຫຼວງນໍ້າທາ, ທ່ານນາງ ປະວິຕາ ມ່ວງສະກຸນ ທີ່ປຶກສາຝ່າຍການຄ້າສໍານັກງານສົ່ງເສີມການຄ້າ ໃນຕ່າງປະເທດ ປະຈໍານະຄອນຫຼວງວຽງຈັນ, ທ່ານນາງ ຈັນທະຈອນ ວົງໄຊ ຮອງປະທານສະພາການຄ້າແຫ່ງຊາດ, ທ່ານ ວະຣາວຸດ ມີສາຍຍາດ ນາຍົກສະມາຄົມນັກທຸລະກິດໄທໃນ ສປປ ລາວ ແລະ ທ່ານວັນທາ ພົມວິໄລ ຫົວໜ້າພະແນກອຸດສະຫະກາ ແລະ ການຄ້າ ແຂວງ ຫຼວງນໍ້າທາ

ງານວາງສະແດງສິນຄ້າ ມິນິໄທແລນດ໌ວີກ 2020 ເປັນໜຶ່ງໃນນະໂຍບາຍຂອງກົມສົ່ງເສີມ ການຄ້າລະຫວ່າງປະເທດ ກະຊວງພານິດໄທ ໃນການສ້າງຄວາມຮ່ວມມືທາງດ້ານການຄ້າ ແລະ ການລົງທຶນ ໃນກຸ່ມປະເທດສະມາຊິກອາຊຽນ

ການງານວາງສະແດງສິນຄ້າ ມິນິໄທແລນດ໌ວີກ ໃນພື້ນທີ່ຕ່າງແຂວງໃນ ສປປ ລາວ ເປັນ ກິດຈະກໍາທີີ່ໄດ້ດໍາເນີນການມາແລ້ວ ເປັນປີທີ່ 5 ໂດຍໄດ້ມີການຈັດງານໄປແລ້ວ ທີ່ແຂວງ ຈໍາປາສັກ, ແຂວງຫຼວງພະບາງ, ແຂວງວຽງຈັນ, ແຂວງຄໍາມ່ວນ, ແຂວງຊຽງຂວາງ, ແຂວງ ອຸດມໄຊ ແລະ ແຂວງຫຼວງນໍ້າທາ

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ສໍາລັບງານວາງສະແດງສິນຄ້າ ມິນິໄທແລນດ໌ວີກ 2020 ທີ່ແຂວງຫຼວງນໍ້າທາ ໃນຄັ້ງນີ້ ໄດ້ຈັດຂື້ນໃນລະຫວ່າງວັນທີ 5-9 ກຸມພາ 2020 ທີ່ຜ່ານມາ ຕັ້ງແຕ່ ເວລາ 10.00-21.00 ໂມງ ທີ່ເດີ່ນສະໂມສອນແຂວງຫຼວງນໍ້າທາ ໂດຍມີຫົວໜ່ວຍທຸລະກິດເຂົ້າຮ່ວມທັ້ງໝົດ ຈໍານວນ 48 ບໍລິສັດ 61 ຮ້ານຄ້າ ເຊິ່ງເປັນຜູ້ຜະລິດຈາກປະເທດໄທ ຈຳນວນ 22 ບໍລິສັດ 24 ຮ້ານຄ້າ ແລະ ບໍລິສັດຕົວແທນຈໍາໜ່າຍສິນຄ້າໄທ ໃນ ສປປ ລາວ ຈໍານວນ 16 ບໍລິສັດ 27 ຮ້ານຄ້າ ປະກອບດ້ວຍ ສິນຄ້າອາຫານ ແລະ ເຄື່ອງດື່ມ ຜະລິດຕະພັນເພື່ອສຸຂະພາບ ແລະ ຄວາມງາມ ສິນຄ້າແຟຊັນ ແລະ ເຄື່ອງໃຊ້ພາຍໃນເຮືອນ, ການວາງສະແດງສິນຄ້າ ODOP ຂອງຜູ້ປະກອບການໃນແຂວງຫຼວງນໍ້າທາ ແລະ ພື້ນທີ່ອ້ອມຂ້າງ ຈໍານວນຮ້ານຄ້າ ໂດຍການສະໜັບສະໜຸນຂອງໜ່ວຍງານຂອງພາກລັດຂອງ ສປປ ລາວ ເພື່ອຂະຫຍາຍໂອກາດທາງ ດ້ານການຄ້າ ແລະສ້າງເຄືອຂ່າຍທຸລະກິດລະຫວ່າງຜູ້ປະກອບການໄທ ຜູ້ປະກອບການ ລາວ ແລະ ປະຊາຊົນລາວ ໄດ້ມີໂອກາດເລືອກຊື້ສິນຄ້າທີ່ມີຄວາມຫຼາກຫຼາຍຈາກຜູ້ປະກອບການທັງສອງປະເທດ

ນອກຈາກນີ້, ຍັງມີການຈັດກິດຈະກໍາຄວບຄູ່ກັບການຈັດຈໍາໜ່າຍ ສິນຄ້າ ເຊັ່ນ: ການປະກວດເດີນແບບຊຸດພື້ນເມືອງຊົນເຜົ່າ, ການປະກວດຮ້ອງເພງ, ການປະກວດ Mini Thailand Got Talent Kid ແລະການປະກວດ Mini Thailand Dance Talent ພ້ອມທັງຍັງມີ ມິນິຄອນເສີດ ໂດຍມີແຂກຮັບເຊີນ ສິນລະປິນແລະດາລາຊື່ດັງຈາກປະເທດໄທ ເຊັ່ນ: ຕຸກກີ້ ສຸດາລັດ, ວາລຸນີ ສຸນທຣີສະຫວັດ, ມຳ ລາໂຄນິກ, ແຊັກ ຊຸມແພ ແລະ ຍັງມີກິດຈະກໍາຮ່ວມຊິງລາງວັນ ເມື່ອຊື້ສິນຄ້າພາຍໃນງານ ຄົບ 50,000 ກີບ ຂື້ນໄປ ຮັບຄູປອງຊິງໂຊກ 1 ໃບ ເພື່ອຊິງຮັບຂອງລາງວັນໃຫຍ່ ປະຈໍາວັນ ເຊິ່ງມີການປະກາດຜົນເວລາ 20:00 ໂມງຂອງທຸກມື້ ຫຼື ສາມາດ ສະສົມຄູປອງ 3ໃບ ແລກຮັບຕຸກກະຕາໝີທາສີທັນທີ ຕະຫຼອດໄລຍະເວລາ 5 ມື້ທີ່ຜ່ານມາ

LEAVE A REPLY

Please enter your comment!
Please enter your name here