ເມືອງເຟືອງ ແຂວງວຽງຈັນ ຫ່າງຈາກຈາກນະຄອນຫຼວງວຽງຈັນປະມານ 130 ກິໂລແມັດ ( ລວມຈາກທາງແບ່ງ 13 ເໜືອເຂົ້າເມືອງຫີນເຫີບ – ເມືອງເຟືອງ ປະມານ 32 ກິໂລແມັດ ) ປັດຈຸບັນເມືອງເຟືອງກໍາລັງໄດ້ຮັບການພັດທະນາທາງດ້ານເສັ້ນທາງຄົມມະນາຄົມ (ກໍາລັງຢູ່ໃນລະຫວ່າງສອບແປງເສັ້ນທາງ) ແລະ ພື້ນຖານໂຄ່ງລ່າງອື່ນໆ, ເມືອງເຟືອງມີແຫຼ່ງທ່ອງທ່ຽວຫຼາຍໆບ່ອນເຊັ່ນ: ຜາທໍ່ໜໍ່ຄຳ ບ້ານນາທົ່ວ, ຜາຕື້ງ ບ້ານໜອງເປັດ, ຜາເລືອງ ບ້ານຄອນເລືອງ, ຜາຫອຍ ບ້ານພູພຽງ, ຜາຕອງ ບ້ານໂນ່ນຫີນແຫ່, ຜານົກກົກ ບ້ານຜາຫຼວງ, ຜາຫຼວງຖໍ້າແອ່ນ ບ້ານໂນນຫີນແຮ່, ຜາຮາງ ບ້ານໂນນຫີນແຮ່, ຜາແໜ່ງ ບ້ານຫ້ວຍເດື່ອ, ຖໍ້າເຈຍບີ້ ບ້ານນາທົ່ວ, ສາມໝື່ນຕູບ, ວັດສິນໄຊຍະຣາມ ເປັນຕົ້ນ.

ວັດສິນໄຊຍະຣາມ

ວັດສິນໄຊຍະຣາມ ບ້ານໂນຫີນແຮ່ ເມືອງເຟືອງ ວັດແຫ່ງນີ້ເປັນວັດທີ່ຫຼາຍຄົນໃຫ້ຄວາມສົນໃຈ ແລະ ມີຄວາມເຊື່ອຖື ຫາກວ່າມາວັດນີ້ແລ້ວຈະເຮັດໃຫ້ຈິດໃຈສະຫງົບ ,ຜ່ອນຄາຍຄວາມຄຽດ ເພາະວັດແຫ່ງນີ້ເປັນວັດທີ່ຖືກອອ້ມຮູບດ້ວຍພູຫີນທີ່ສູງ ແລະ ມີປ່າໄມ້ຂຽວງາມ,ມີຄວາມງຽບສະຫງົບ

ສາມໝື່ນຕູບເຟືອງ

ສາມໝື່ນຕູບ ສະຖານທີ່ທ່ອງທ່ຽວແຄມນໍ້າລີກ ນັ່ງກິນເຂົ້າທາມກາງແມ່ນໍ້າທີ່ໄຫຼເຢັນ ຊົມທີວທັດ ວິຖີຊີວິດຂອງປະຊາຊົນ ທີ່ຍັງເຕັມໄປດ້ວຍຄວາມລຽບງ່າຍ

ຜາທໍ່ໜໍ່ຄໍາ

ຜາທໍ່ໜໍ່ຄໍາ ເປັນສະຖານທີ່ທ່ອງທ່ຽວທາງທໍາມະຊາດແຫ່ງໜຶ່ງ ທີ່ມີທິວທັດທໍາມະຊາດອ້ອມຂ້າງສວຍສົດງົດງາມ, ເຕັມໄປດ້ວຍຕົ້ນໄມ້ນ້ອຍ-ໃຫຍ່ຂຽວສົດໃສ ຫຼາກຫຼາຍຊະນິດປົກຄຸມພື້ນທີ່ ແລະມີສັດສາວ່າສິ່ງຫຼາຍຊະນິດ ເຊິ່ງໂຕຜາມີລັກສະນະແປກຕາບໍ່ຄືຜາບ່ອນອື່ນ ນັບວ່າເປັນແຫຼ່ງທ່ອງທ່ຽວທີ່ມະຫັດສະຈັນ ແລະ ມີຄວາມເລິກລັບໜ້າຄົ້ນຫາ.

ແລະ ເນື່ອງຈາກວ່າ ເມືອງເຟືອງ ເປັນເມືອງອູ່ເຂົ້າອູ່ປາສໍາຄັນຂອງແຂວງວຽງຈັນ, ໃນທຸກໆປີ ຈະມີງານບຸນໃຫ່ຍສໍາຄັນຂອງເມືອງເຟືອງ ກໍ່ຄືບຸນຕູ່ມຂວັນເຂົ້າ ຫຼື ບຸນກອງເຂົ້າທີ່ຈະຈັດຂື້ນໃນລະຫວ່າງເດືອນມັງກອນ ຫາ ເດືອນກຸມພາ

LEAVE A REPLY

Please enter your comment!
Please enter your name here