ເທດສະການແຫ່ງຄວາມຮັກທີ່ຈະມາຮອດນີ້ ບ່າວສາວ ຕ່າງພາກັນມອບຂອງຂັວນໃຫ້ກັນ ບາງຄົນກໍ່ມອບດອກກຸຫຼາບໃຫ້ກັນ ແລະ ຫຼາຍໆຄົນກໍ່ນິຍົມໃຫ້ຂອງຂວັນຢ່າງອຶ່ນ ເຮົາມາເບິ່ງນໍາກັນວ່າ ວັນແຫ່ງຄວາມຮັກນີ້ ບ່າວສາວນິຍົມໃຫ້ຫຍັງເປັນຂອງຂັວນ

  • ດອກກຸຫຼາບ ແຕ່ລະສີກໍ່ມີຄວາມໝາຍທີ່ແຕກຕ່າງກັນໄປ ເລືອກໃຫ້ຕາມຄວາມຮູ້ສຶກເລີຍ
  • ຊ໋ອກໂກແລດ ເປັນອີກໜຶ່ງຂອງຂວັນຍອດນິຍົມໃນວັນວາເລັນທາຍເລີຍກໍ່ວ່າໄດ້ ແຕ່ສ່ວນໃຫ່ຍແລ້ວ ແມ່ນຜູ້ຍິງຈະໃຫ້ຜູ້ຊາຍ ເພື່ອບອກຄວາມໃນໃຈ ແຕ່ກໍລະນິນີ້ ຈະເປັນຜູ້ຊາຍໃຫ້ຜູ້ຍິງກໍ່ໄດ້
  • ເສື້ອຄູ່ ແມ່ນແລ້ວ!! ເສື້ອຄູ່ເປັນອີກໜຶ່ງຂອງຂວັນທີ່ຄູ່ຮັກຫຼາຍໆຄູ່ເລືອກນໍາມາໃຫ້ກັນເປັນຂອງຂວັນແທນໃຈໃນຊ່ວງວັນວາເລັນທາຍ ໂດຍເສື້ອຄູ່ທີ່ເວົ້າຢູ່ນີ້ ອາດຈະເປັນເສື້ອຍຶດ ຫຼື ເສື້ອໂປໂລກໍ່ໄດ້
  • ຕຸກກະຕາ ເປັນໄອເທັມທີ່ໃຫ້ກັນໄດ້ທຸກເທດສະການຢູ່ແລ້ວ ແຕ່ໃນເທດສະການພິເສດນີີ້ ອາດຈະຕ້ອງເລືອກຕຸກກະຕາທີ່ເປັນຕາແພງ ແລະ ມີຄວາມໝາຍແທນໃຈໄປໃນຕົວ
  • ແຫວນຄູ່ ຖືວ່າເປັນສິ່ງທີ່ຂາດບໍ່ໄດ້ເລີຍ ສໍາລັບເທດສະການແຫ່ງຄວາມຮັກ ເອີ້ນໄດ້ວ່າເປັນຂອງຂວັນຍອດນິຍົມກໍ່ວ່າໄດ້ ເພາະສາມາດສື່ເຖິງຄວາມເປັນຄູ່ຮັກໄດ້ດີ
  • ກາດ ໄອເທັມນີ້ ອາດຈະເປັນກາດດ່ຽວໆ ຫຼື ຕິດຄັດໄປກັບຊໍ່ດອກໄມ້ ແລະ ອຶ່ນໆໄດ້ ສໍາລັບການເລືອກກາດນັ້ນ ກໍ່ຕ້ອງເລືອກການທີ່ມາພ້ອມກັບຂໍ້ຄວາມແບບຫວານໆ ຫຼື ປະດິດກາດເອງກໍ່ໄດ້ ເພາະນອກຈາກຈະງາມໄດ້ຕາມໃຈແລ້ວ ຍັງເປັນກາດໃບດຽວທີ່ບໍ່ໍຊໍ້າໃຜອີກດ້ວຍ
  • ຄຸກກີ້ ຫຼື ເຄັກ ຖ້າເຄີຍໃຫ້ຢ່າງອຶ່ນມາຫຼາຍແລ້ວ ປີນີ້ລອງປ່ຽນມາເປັນຄຸກກີ້ ຫຼື ເຄັກກໍ່ໄດ້
  • ກະເປົ໋າເງິນ ເປັນອຸປະກອນເສີມທີ່ຂາດບໍ່ໄດ້ສໍາລັບສາວໆ ຫຼື ຜູ້ບ່າວຜູ້ແພວທັງຫຼາຍ
  • ກິນເຂົ້າແລງ ບາງເທື່ອຂອງຂວັນທີ່ແຟນທ່ານຢາກໄດ້ຫຼາຍທີ່ສຸດ ອາດຈະບໍ່ແມ່ນເຄື່ອງນອກກາຍກໍ່ໄດ້ ເພາະບາງເທື່ອການໄດ້ໃຊ້ເວລາຢູ່ນໍາກັນ ໄດ້ນັ່ງກິນເຂົ້ານໍາກັນ ຢູ່ກັບບັນຍາກາດທີ່ສຸດແສນໂລແມນຕິກ ພຽງເທົ່ານີ້ ກໍ່ມີຄວາມສຸກແລ້ວ

LEAVE A REPLY

Please enter your comment!
Please enter your name here