ວັນທີ 10 ກຸມພາ 2020, ອິນໄຊລາວໄດ້ລົງພື້ນທີ່ສໍາຫຼວດລາຄາດອກກຸຫຼາບ ທີ່ດົງປາລານ ຫຼັງໃກ້ຮອດຊ່ວງເທດສະການແຫ່ງຄວາມຮັກ ວັນວາເລັນທາຍ ໂດຍບັນຍາກາດແມ່ຄ້າຊາວຂາຍໄດ້ເລີ່ມນໍາດອກກຸຫຼາບອອກມາຈັດໂຊຢູ່ບໍລິເວນໜ້າຮ້ານເປັນຈໍານວນຫຼາຍ

ທັງນີ້ ແມ່ຄ້າທີ່ຂາຍດອກໄມ້ໄດ້ເຜີຍວ່າ ຕອນນີ້ຫຼາຍໆຮ້ານໄດ້ເລີ່ມມີການສັ່ງດອກໄມ້ເຂົ້າມາກຽມໄວ້ຫຼາຍແລ້ວ ສ່ວນລາຄາດອກໄມ້ແມ່ນເລີ່ມຕົ້ນມີ ດອກກຸຫຼາບສີແດງ ນໍາເຂົ້າຈາກຫວຽດນາມ ເລີ່ມຕົ້ນດອກລະ 5000 ກີບ ເນື້ອຈາກວ່າມີດອກນ້ອຍ, ສ່ວນດອກກຸຫຼາບທີ່ນໍາເຂົ້າຈາກປະເທດໄທ ແມ່ນຈະເລີ່ມຕົ້ນຢູ່ ດອກລະ 10.000 ກີບ ທັງສີແດງ ສີບົວ ສີສົ້ມ ແລະ ສີຟ້າ ເນື້ອຈາກວ່າມີດອກໃຫ່ຍ.​  ນອກຈາກນີ້ ລາຄາດອກໄມ້ແຫ້ງ ທີ່ກໍາລັງໄດ້ຮັບຄວາມນິຍົມຢູ່ ແມ່ນເລີ່ມຕົ້ນຢູ່ 40.000 ກີບ/ຊໍ່

ແມ່ຄ້າຍັງເຜີຍຕື່ມວ່າ: ລາຄາດອກໄມ້ປີນີ້ ແມ່ນມີການປັບລາຄາຂຶ້ນເລັກນ້ອຍ ສືບເນື່ອງມາຈາກຄ່າເງີນບາດທີ່ສູງ ເພາະສ່ວນໃຫ່ຍແລ້ວ ດອກກຸຫຼາບແມ່ນນໍາເຂົ້າມາຈາກປະເທດໄທ

ວາເລັນທາຍປີນີ້ ຫາກທ່ານມີງົບບໍ່ພຽງພໍ ການສະແດງຄວາມຮັກກໍ່ມີຫຼາຍວິທີ ແຕ່ສໍາຄັນທີ່ສຸດ ແມ່ນການບອກຮັກຢ່າງຈີງໃຈເຖິງຈະເຮັດໃຫ້ຜູ້ຮັບມີຄວາມສຸກ

LEAVE A REPLY

Please enter your comment!
Please enter your name here