ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ງານບຸນນະການຜາສາດຫີນວັດພູຈໍາປາສັກ ປີ 2020 ຈັດຂຶ້ນໃນວັນທີ 6 ມັງກອນ 2020 ຢູ່ເດີ່ນ ສະຖານບູຮານວັດພູ, ໂດຍການເປັນກຽດເຂົ້າຮ່ວມຂອງ ທ່ານ ປອ ບຸນຖອງ ດີວິໄຊ ກໍາມະການສູນກາງພັກ ເລຂາພັກແຂວງ ເຈົ້າແຂວງໆຈໍາປາສັກ, ທ່ານ ບຸ໋ຍ ເຖ ຢຸງ ກົງສູນໃຫຍ່ ແຫ່ງ ສສ ຫວຽດນາມ ປະຈໍາ 4 ແຂວງພາກໃຕ້ລາວ, ທ່ານ ຊິມ ໂຊຄົມ ກົງສູນໃຫຍ່ແຫ່ງຣາຊະອານາຈັກກໍາປູເຈຍ ປະຈໍາ 5 ແຂວງພາກໃຕ້ລາວ, ທ່ານ ວິລະວົງ ເວຍລະວົງ ກົງສູນໃຫຍ່ແຫ່ງ ສປປ ລາວ ປະຈໍາແຂວງຊຽງແຕງ ຣາຊະອານາຈັກກໍາປູເຈຍ, ທ່ານ ກິດຕິສັກ ລໍປະຕິພາກອນ ກົງສູນໃຫຍ່ແຫ່ງຣາຊະອານາຈັກໄທ ປະຈໍາແຂວງສະຫວັນນະເຂດ. ນອກນີ້ ຍັງມີການນໍາແຂວງດັກນົງ, ແຂວງກວາງບິງ ສສ ຫວຽດນາມ, ການນໍາແຂວງຊຽງແຕງ, ແຂວງພຣະວິເຮຍ, ແຂວງຊຽມຣຽບ ຣາຊະອານາຈັກກໍາປູເຈຍ, ການນໍາຈັງຫວັດອຸບົນຣາຊະທານີ ຣາຊະອານາຈັກໄທ, ບັນດາທ່ານໃນຄະນະປະຈໍາພັກແຂວງ, ກໍາມະການພັກແຂວງ, ການນໍາພະແນກການກົມກອງອ້ອມຂ້າງແຂວງ, ການນໍາ 9 ເມືອງ ແລະ 1 ນະຄອນ ຕະຫຼອດຮອດບັນດານັກທຸລະກິດ, ຜູ້ປະກອບ ແລະ ມວນຊົນຊາວແຂວງຈໍາປາສັກເຂົ້າຮ່ວມ.

ໃນພິທີຍັງມີຂະບວນແຫ່ກ້ອນກໍາລັງຕ່າງໆ ຂອງ 9 ເມືອງ ແລະ 1 ນະຄອນ ເຊິ່ງມີຫຼາຍຂະບວນ ເລີ່ມຕົ້ນດ້ວຍຂະບວນແຫ່ທຸງຊາດ ກອງຕຸລິຍາງເຍົາວະຊົນ, ທຸງທິວ 7 ສີ. ຕໍ່ມາ ແມ່ນຂະບວນແຫ່ ຊ້າງ,ແຫ່ມ້າຈໍາລອງ,ທ່າວບາຈຽງ,ນາງມະໂລງ ແລະເມືອງອື່ນໆ ເຊິ່ງລຽງລໍາດັບຊື່ບັນດາເມືອງຕາມຕົວອັກສອນ ແລະ ນໍາໜ້າໂດຍນາງສາວຖືປ້າຍຊື່ຂອງເມືອງ ຕິດຕາມດ້ວຍການນໍາເມືອງ ແລະ ລົດແຫ່ສິ່ງທີ່ເປັນເອກະລັກຂອງເມືອງ, ທ້າຍຂະແຫ່ຂອງແຕ່ລະເມືອງ ກໍ່ແມ່ນຂະບວນຟ້ອນທີ່ເປັນເອກະລັກຂອງແຕ່ລະເມືອງນໍາອີກ. ສ່ວນເມືອງຈໍາປາສັກ(ເຈົ້າພາບ) ແມ່ນລົດແຫ່ຮູບຈໍາລອງໂຮງຊາວ, ຟ້ອນອັບສະລາ, ຟ້ອນຈໍາປາເມືອງລາວ ແລະ ຟ້ອນສຽງແຄນລາວ. ນອກນີ້ ກໍ່ຍັງມີຂະບວນແຫ່ຂອງຊ້າງ 4 ໂຕ ຈາກເມືອງປະທຸມພອນ ເຊິ່ງການອອກແບບ, ການປະດັບປະດາ ແລະ ຕົກແຕ່ງຂະບວນແຫ່, ລົດແຫ່ຂອງແຕ່ລະເມືອງ, ແຕ່ລະກ້ອນກໍາລັງ ແມ່ນສະແດງເຖິງເອກະລັກຂອງແຕ່ລະທ້ອງຖິ່ນ ເພື່ອໃຫ້ແຂກທັງພາຍໃນ ແລະ ຕ່າງປະເທດ ທີ່ມາຮ່ວມໃນງານ ເຫັນໄດ້ເຖິງວັດທະນະທໍາ, ຮີດຄອງປະເພນີອັນດີງາມຂອງທ້ອງຖິ່ນ ແລະ ແບບແຜນດໍາລົງຊີວິດຂອງຊາວແຂວງຈໍາປາສັກ ທັງປະກອບສ່ວນເຮັດໃຫ້ການເປີດງານບຸນນະມັດສະການຜາສາດຫີນວັດພູ ປີ 2020 ມີບັນຍາກາດຟົດຟື້ນ ແລະ ມີເນື້ອໃນຄວາມໝາຍເລິກເຊິ່ງ.

ເມື່ອຂະບວນແຫ່ຂອງກ້ອນກໍາລັງຕ່າງໆເຂົ້າສູ່ສະໜາມແລ້ວ, ທ່ານ ຄໍາຕັນ ຊົມພັນດອນ ເຈົ້າເມືອງໆຈໍາປາສັກ ຮອງປະທານຄະນະຮັບຜິດຊອບຈັດງານ ກໍ່ໄດ້ຂຶ້ນລາຍງານການກະກຽມຄວາມພ້ອມໃນການຈັດງານບຸນນະມັດສະການຜາສາດຫີນວັດພູ ປີ 2020, ເນື້ອໃນສໍາຄັນ ທ່ານໄດ້ຍົກໃຫ້ເຫັນປະຫວັດຄວາມເປັນມາຂອງສະຖານບູຮານວັດພູຈໍາປາສັກ ມໍລະດົກໂລກແຫ່ງທີ 2 ຂອງ ສປປ ລາວ, ຍົກໃຫ້ເຫັນສະຖານທີ່ທ່ອງທ່ຽວ ແລະ ສະຖານທີ່ພັກພາອາໄສ ເພື່ອຮອງຮັບນັກທ່ອງທ່ຽວທີ່ມາທ່ຽວຊົມ ພ້ອມທັງຍົກໃຫ້ເຫັນກິດຈະກໍາຕ່າງໆທີ່ຈັດຂຶ້ນໃນໄລຍະການຈັດງານຄັ້ງນີ້.

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ງານບຸນນະມັດສະການຜາສາດຫີນວັດພູ ປີນີ້ຈັດຂຶ້ນ 3 ວັນ ແຕ່ວັນທີ 6-8 ມັງກອນ 2020, ແຕ່ລະຄືນຈະມີການສະແດງສິລະປະ, ຄອນເສີດ ເຊິ່ງມີສິລະປິນທີ່ມີຊື່ສຽງຂອງລາວມາຮ່ວມສະແດງ, ມີໝໍລໍາເລື່ອງ, ມີຕະຫຼາດນັດ ແລະ ຮ້ານວາງສະແດງສິນຄ້າ; ມີການແຂ່ງຂັນກິລາສາກົນ ແລະ ກິລາພື້ນບ້ານ ເຊັ່ນ: ແລ່ນກະເປົ໋າ, ປິດຕາຕີໝໍ້, ປີນເສົາເອົາລາງວັນ, ຂີ່ໄມ້ໂຢກເຢກ ແລະ ຕີກ໊ອບຄົນຈົນ. ມື້ສຸດທ້າຍ ວັນທີ 8 ມັງກອນ, ຕອນເຊົ້າ ກໍ່ມີພິທີໃສ່ບາດ, ຖວາຍສັງຂະທານ ແກ່ພະສົງ 500 ອົງ; ຕອນຄໍ່າ ກໍ່ຈະມີພິທິວຽນທຽນ ແລະ ຄົບງັນຕາມປະເພນີ ຕື່ມອີກ.

ທີ່ມາ: Media Laos (ພິລາວັນ ເພັງສະຫວັດ)

LEAVE A REPLY

Please enter your comment!
Please enter your name here