ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ພິລາວັນ ຈັນທະກາລີ ( ຊິກກອຍ ລາວແອັກຊັນ) ນອກຈາກຈະເປັນນັກກິລາທີ່ປະສົບຜົນສໍາເລັດມາຫຼາກຫຼາຍປະເພດກິລາ ໂດຍສະເພາະມວຍລາຍລາວ ແລ້ວລາວຍັງນໍາທີມ ລາວແອັກຊັນສະຕາ ( Lao Action Star ) ກັບຄວາມສາມາດທີ່ມີ ສ້າງຮູບເງົາທີ່ສະແດງເຖິງ ແມ່ມ້າຍມວຍລາວ ນໍາອີກ ເພື່ອເປັນການຮັກສາ ແລະ ສານຕໍ່ມວຍລາຍລາວ ສູ່ຮຸ່ນລູກຮຸ່ນຫຼານຕໍ່ໄປ.

ລ່າສຸດ, ຊິກກອຍ ໄດ້ນໍາທີມເຂົ້າສະແດງມວຍລາຍລາວ ໃນພິທີເປີດ-ປິດ ງານແຂ່ງຂັນກິລານັກສຶກສາທົ່ວມະຫາວິທະຍາໄລແຫ່ງຊາດ ຄັ້ງທີ XI ປະຈຳສົກສຶກສາ 2019-2020 ເມື່ອທ້າຍອາທິດທີ່ຜ່ານມາ ດ້ວຍການສະແດງມວຍລາຍລາວ ປະສົມປະສານກັບການໃຊ້ອາວຸດສະໄໝໃໝ່ ພ້ອມທັງມີການເສີມການພົ່ນໄຟ ເຂົ້າມາອີກເຫັນແລ້ວເປັນໜ້າຕື່ນຕາຕື່ນໃຈກັນແບບສຸດໆ

ສໍາລັບ ຜົນງານທີ່ຜ່ານມາ ຊິກກອຍ ສາມາດຍາດໄດ້ລາງວັນລະດັບໂລກ, ລະດັບອາຊີ, ລະດັບຊີເກມມາຫຼາກຫຼາຍລາຍການແລ້ວ ໂດຍໄດ້ຈາກກີລາໂວວິນາມ 1 ຫຼຽນຄຳລາຍການຊິງແຊັມໂລກ ໃນປີ 2011 ທີ່ປະເທດຫວຽດນາມ, 1 ຫຼຽນຄຳ ລາຍການອາຊຽນບີດ 2016 ທີ່ປະເທດຫວຽດນາມ ແລະ ຫຼຽນຄຳຫຼັງສຸດ ໄດ້ຈາກງານຊີງແຊັມອາຊຽນ 2017 ທີ່ປະເທດກຳປູເຈຍ, ສ່ວນລາຍການສໍາຄັນອື່ນສາມາດໄດ້ 1 ຫຼຽນທອງໃນ ຊີເກມ 2013 ທີ່ປະເທດມຽນມາ.

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ສ່ວນມວຍລາຍລາວ ຍາດໄດ້ 2 ຫຼຽນຄໍາ ໃນກີລາແຫ່ງຊາດ ຄັ້ງທີ 10 ທີ່ແຂວງອຸດົມໄຊ ໃນປີ 2014 ແລະ ເຂົ້າຮ່ວມແຂ່ງຂັນສິລະປະປ້ອງກັນຕົວລະດັບໂລກ (Womau Martial Arts) ເຊິ່ງຕົນເອງໄດ້ນຳໃຊ້ມວຍລາຍລາວ ໄປສະແດງໃນງານທີ່ ສ ເກົາຫຼີ ສາມາດຍາດໄດ້ລາງວັນອັນດັບທີ 3 ໃນປີ 2018.

ສ່ວນຜົນງານດ້ານສ້າງຮູບເງົາສັ້ນ ສົ່ງເຂົ້າປະກວດແຂ່ງຂັນ ສາມາດຍາດໄດ້ຫຼາຍລາງວັນດັ່ງນີ້: ເລື່ອງ ທາງເລືອກ ໄດ້ລາງວັນຕັດຕໍ່ດີເດັ່ນ ໃນງານມະຫະກຳຮູບເງົາສັ້ນວຽງຈັນນານ 2016, ເລື່ອງ ສູ້ເພື່ອເຈົ້າໄດ້ລາງວັນຜູ້ກຳກັບດີເດັ່ນ ໃນງານມະຫະກຳຮູບເງົາສັ້ນວຽງຈັນນານ 2018, ເລື່ອງ ມວຍລາຍລາວ ໄດ້ລາງວັນທີ 3 ຈັດຂຶ້ນໂດຍກົມຮູບເງົາ, ກະຊວງຖະແຫຼງຂ່າວ ວັດທະນະທຳ ແລະ ທ່ອງທ່ຽວ ປີ 2018, ເລື່ອງ ສັງຄົມກົມໜ້າ ໄດ້ລາງວັນທີ 2 ຈັດຂຶ້ນໂດຍກົມຮູບເງົາ, ກະຊວງຖະແຫຼງຂ່າວ ວັດທະນະທຳ ແລະ ທ່ອງທ່ຽວ ປີ 2018 ແລະ ລ່າສຸດເລື່ອງ ກັງຟູລ້ານຊ້າງ ໄດ້ລາງວັນທີ 3 ຈັດຂຶ້ນໂດຍວິທະຍຸ CRI ແລະ ກົມຮູບເງົາ ປີ 2019

ຂໍ້ມູນ ແລະ ຮູບພາບ: ອັບເດດກິລາລາວ-ສາກົນ

LEAVE A REPLY

Please enter your comment!
Please enter your name here