ກົມສົ່ງເສີມການຄ້າລະຫວ່າງປະເທດ ກະຊວງພານິດ ຣາຊະອາ ນາຈັກໄທ ໂດຍສຳນັກງານສົ່ງເສີມການຄ້າໃນຕ່າງປະເທດ ຈະຈັດງານສະແດງສິນຄ້າສຸດຍອດແບຣນໄທ (Top Thai Brands 2020) ພາຍໃຕ້ແນວຄິດ “ໄທ-ລາວ ຕໍ່ຍອດອະນາຄົດ ເປີດໂລກການຄ້າໄຮ້ພົມແດນ” ຂຶ້ນວັນທີ 4-8 ມີນາ 2020 ຢູ່ສູນການຄ້າລາວ-ໄອເຕັກ ນະຄອນຫຼວງວຽງຈັນ.

ທ່ານ ນາງ ປະວິຕຣາ ມ່ວງສະກຸນ ທີ່ປຶກສາຝ່າຍການຄ້າ ສຳນັກ ງານສົ່ງເສີມການຄ້າໃນຕ່າງປະເທດ ທີ່ວຽງຈັນ ກ່າວໃນພິທີຖະ ແຫຼງຂ່າວການຈັດງານດັ່ງກ່າວ ວັນທີ 31 ມັງກອນ 2020 ວ່າ:

ຈຸດປະສົງເພື່ອສົ່ງເສີມການຄ້າ ແລະ ການລົງທຶນຂອງສອງປະ ເທດ ເພີ່ມມູນຄ່າການຄ້າ ລະຫວ່າງ ໄທ ກັບ ລາວ ເສີມສ້າງພາບລັັກສິນຄ້າທີ່ມີຄຸນນະພາບ ມີມາດຕະຖານ ແລະ ມີເຄື່ອງໝາຍການຄ້າຂອງສອງປະເທດ ໃຫ້ເປັນທີ່ຍອມຮັບຂອງຜູ້ບໍລິໂພກ ແລະ ຊຸກຍູ້ໃຫ້ນັກທຸລະກິດສອງປະເທດ ຮ່ວມມືເຊິ່ງກັນ ແລະ ກັນ.

ເຊິ່ງປີນີ້ໄດ້ຄັດເລືອກກຸ່ມທຸລະກິດເຂົ້າຮ່ວມຫຼາຍກວ່າ 230 ຫ້ອງວາງສະແດງ ໂດຍເນັ້ນໃສ່ສິນຄ້ານະວັດຕະກຳ ຄວາມຄິດສ້າງສັນ ນະວັດຕະກຳທາງການຄ້າ ແລະ ທຸລະກິດ ເປັນຕົ້ນສິນຄ້າໃນກຸ່ມອາຫານ ແລະ ເຄື່ອງດື່ມ ສຸຂະພາບ ຄວາມງາມ ເຄື່ອງໃຊ້ພາຍໃນບ້ານ ເຄື່ອງເດັກນ້ອຍ ເຄື່ອງໜັງ ແລະ ກະເສດ ນອກນີ້ຍັງມີສິນຄ້າ ODOP ຈາກລາວ ໂດຍຄາດວ່າຈະມີຜູ້ເຂົ້າຊົມບໍ່ຕໍ່າກວ່າ 50.000 ຄົນ.

ແຫຼ່ງຂໍ້ມູນ: ພາບ-ຂ່າວ ສະບາໄພ, ວຽງຈັນໃໝ່

LEAVE A REPLY

Please enter your comment!
Please enter your name here