ວັນທີ 10-11 ມັງກອນ 2020 ທີ່ຜ່ານ, ທີ່ປະເທດຫວຽດນາມໄດ້ຈັດງານ Halong International Music Festival 2020 ຂຶ້ນ ໂດຍໄດ້ເຊີນເອົາສີລະປິນນັກຮ້ອງເຂົ້າຮ່ວມປະກວດທັງໝົດ 7 ປິເທດ ໃນນັ້ນກໍມີປະເທດລາວເຮົາທີ່ໄດ້ເຂົ້າຮ່ວມ ແລະ ສາມາດຄວ້າລາງວັນມາໄດ້ພ້ອມ  ເຊິ່ງຜູ້ໄດ້ຮັບລາງວັນຈາກເວທີດັ່ງກ່າວກໍຄື ສາວ ດອກຫຍ້າ ຖິ່ນລໍາພອນ ໄດ້ຮັບລາງວັນ International Music Festival.

ໂດຍຫຼັງຈາກທີ່ໄດ້ຮັບລາງວັນນີ້ ສາວ ດອກຫຍ້າ ກໍໄດ້ໂພສຂໍ້ຄວາມຜ່ານ Facebook ສ່ວນຕົວ ເພື່ອຂໍຂອບໃຈອາຈານ ແລະ ກຳມະການທີ່ໃຫ້ໂອກາດຜູ້ນ້ອຍໄດ້ສະແດງຄວາມສາມາດໃນເວທີອັນຊົງກຽດແຫ່ງນີ້ ແລະ ຂອບໃຈຫມູ່ເພື່ອນທຸກຄົນທີ່ໃຫ້ກຳລັງຕະຫລອດມາ

ດອກຫຍ້າ ຖິ່ນລໍາພອນ ແມ່ນເປັນນັກຮ້ອງແນວເພງລູກທົ່ງ ສັງກັດໃນຄ້າຍເພງ ນາຄາມີເດຍ ເຈົ້າຂອງຜົນງານເພງ ຊິໄຫ້ນຳບໍ່, 14 ກຸມພາ, ໃຫ້ນ້ອງເຫົງາດີກວ່າເຂົາເຈັບ, ບະປູຊອກຫາແຟນ ແລະ ອີກຫຼາຍໆຜົນງານເພງ

ອິນໄຊລາວ ຂໍສະແດງຄວາມຍິນດີ ແລະ ຊົມເຊີຍໃນຄວາມສາມາດຂອງສາວ ດອກຫຍ້າ ຫຼາຍໆເດີ້ ພ້ອມທັງເປັນກໍາລັງໃຈໃຫ້ສ້າງສັນຜົນງານດີໆ ອອກມາໃຫ້ແຟນເພງໄດ້ຮັບຊົມຕະຫຼອດໄປເດີ້

LEAVE A REPLY

Please enter your comment!
Please enter your name here