ນ້ຳຕົກຕາດ ແຊປ້ອງໄລ ເປັນນໍ້າຕົກທີ່ມີຄວາມງາມທີ່ສຸດໃນແຂວງອັດຕະປື ຕັ້ງທິດຕາເວັນຕົກສຽງເໜືອຂອງ ເມືອງສະໜາມໄຊ ແຂວງອັດຕະປື. ຫ່າງຈາກຕາດແຊພະປະມານ7 ກິໂລແມັດ ແລະ ຫ່າງຈາກເທດສະບານແຂວງ 60 ກິໂລແມັດ.

ລັກສະນະເດັ່ນຂອງນ້ຳຕົກຕາດແຊປອງໄລເປັນຕາດນ້ຳຕົກຈາກຜາຫີນສູງປະມານ23ແມັດ, ກວ້າງປະມານ120ແມັດ ເຊິ່ງມີຂະໜາດເທົ່າກັນກັບນ້ຳຕົກຕາດຕາດແຊພະເພາະຢູ່ໃນແມ່ນ້ຳສາຍດຽວກັນຄືແມ່ນ້ຳເຊປຽນ ແຕ່ນ້ຳຕົກຕາດແຊປອງໄລຈະຢູ່ເໜືອນ້ຳຕົກຕາດແຊພະ. ທ່ານສາມາດເດີນທາງເຂົ້າໄປເຖິງຕາມເສັ້ນທາງດິນແດງທີ່ກໍາລັງບຸກເບີກໃໝ່ຈາກຕົວເມືອງສະໜາມໄຊຫາບ້ານຫີນລາດ, ບໍລິເວນຕາດອ້ອມຮອບໄປດ້ວຍປ່າໄມ້ທີ່ຕຶບໜາ ແລະ ມີສັດປ່າທີ່ຫາຍາກກຳລັງຈະສູນພັນອາໄສຢູ່ເຊັ່ນ: ຊ້າງປ່າ, ກະທິງ,ຄວາຍ,ປ່າທະນີ ແລະ ສັດປີກປະເພດຕ່າງໆອີກຫຼາຍຮ້ອຍຊະນິດ.

ຂໍຂອບໃຈຮູບພາບງາມໆຈາກ: ສອນ ມິເດຍ

LEAVE A REPLY

Please enter your comment!
Please enter your name here