ພູຣິ​ ຫິລັນພຶກ​ ນັກສະແດງ, ພິທີກອນ​ ຊາວໄທ ທີ່ມີຜົນງານຜ່ານຈໍໃຫ້ແຟນໆຊາວລາວໄດ້ຕິດຕາມກັນເປັນປະຈຳ​ ທັງບົດບາດຂອງນັກສະແດງ,​ ພິທີກອນ​ ແລະ​ ຍັງມີ ຜົນງານຜ່ານ​ຊ່ອງ​ YouTube  ທີ່ຊື່ວ່າ: Viewfinder Thailand ທີ່ເຮັດກ່ຽວກັບການທ່ອງທ່ຽວແບບລຸຍໆ ປະຈົນໄພ ໂດຍຫຼາຍໆຄລິບກໍ່ແມ່ນໄດ້ມາຖ່າຍຢູ່ປະເທດລາວ 

ລ່າສຸດ,​ ພູຣິ​ ໄດ້ມາທ່ຽວເມືອງງອຍ​ ແຂວງຫຼວງພະບາງ ທີ່ຍັງ​ເຕັມ​ໄປດ້ວຍທຳມະຊາດອັນອຸດົມສົມບູນ. ນອກຈາກນີ້, ພູຣິໄດ້ສຳພັດກັບ ວິຖີ​ຊີວິດຂອງ​ຊາວບ້ານ​ ໂດຍສະເພາະ​ວັດທະນະທຳ​ການໃສ່ບາດຂອງຄົນລາວ ເຊິ່ງພູຣິໄດ້ບັນຍາຍກ່ຽວກັບວັດທະນະທຳ​ນີ້​ ຜ່ານໄອຈີວ່າ: “ເຮັດດ້ວຍສັດທາ ແລະ​ ເຮັດທຸກມື້​ ຊາວບ້ານທີ່ເມືອງງອຍຈະອອກມາໃສ່ບາດຕາມທຳນຽມຂອງຂະເຈົ້າທຸກມື້,​ ເປັນການຕັກບາດເຂົ້າໜຽວ ທຸກຄົນຕ້ອງມີຜ້າບ່ຽງ​ ຜູ້ຊາຍຍືນຕັກບາດໄດ້ ຜູ້ຍີງຕ້ອງນັ່ງກັບພື້ນ ເປັນພາບທີ່ງົດງາມ ບໍ່ຮູ້ວ່າຈະເປັນພາບແບບນີ້ໄດ້ອີກດົນປ່ານໃດ”

ຂໍ້ມູນ​ ແລະ​ ຮູບພາບ: IG​ Puri_hiranpreuck

LEAVE A REPLY

Please enter your comment!
Please enter your name here