ພາຍຫລັງໄດ້ມີສື່ສັງຄົມອອນລາຍ ໄດ້ລາຍງານວ່າ:

ມີຄົນບໍ່ດີລັກລົດໃຫຍ່ ຢູ່ ໃນງານບຸນທາດຫລວງ ໃນວັນທີ 8 ພະຈິກ 2019 ນີ້, ຕໍ່ກັບເຫດການດັ່ງກ່າວ ທາງຫນັງສືພິມລາວພັດທະນາ ໄດ້ສອບຖາມເຈົ້າຫນ້າທີ່ ປກສ ເມືອງ ໄຊເສດຖາ ນະຄອນຫລວງວຽງຈັນ ໃຫ້ຮູ້ວ່າ:

ເຫດການດັ່ງກ່າວບໍ່ແມ່ນເຫດລັກລົດ ຢູ່ ບຸນທາດຫລວງ ຊຶ່ງເຫດໄດ້ເກີດຢູ່ ບ້ານ ໂນນຫວາຍ, ໂດຍຜູ້ເປັນເຈົ້າຂອງລົດເກງຫມາຍເລກທະບຽນ ກຕ 0090 ໂດຍຜູ້ເປັນເຈົ້າຂອງລົດແມ່ນຢູ່ບ້ານ ສີໄຄ ເມືອງ ສີໂຄດຕະບອງ ນະຄອນຫລວງວຽງຈັນ.

ໄດ້ເອົາລົດໃຫ້ຄົນຮູ້ຈັກຢືມແຕ່ປີ 2018 ແຕ່ ຄົນຮັກແພງນັ້ນບໍ່ສົ່ງຄືນ ພໍມາຮອດວັນທີ 8 ພະຈິກ ຜູ້ທີ່ເປັນເຈົ້າຂອງລົດທີ່ແທ້ຈິງນັ້ນໄດ້ມາພົບເຫັນຈຶ່ງຢາກເອົາລົດຄືນ ໃນຂະນະນັ້ນຊາຍ ທີ່ຢືມລົດໄປ ກໍບໍ່ຍອມສົ່ງໃຫ້ ແຕ່ໄດ້ຂັບລົດຫນີ ອອກມາ ຈົນມາຮອດເຂດຮ້ານ ອາຫານ ຫນອງອໍ້ ບ້ານ ໂນນສະຫວ່າງ ເມືອງ ສີໂຄດຕະບອງ ຈຶ່ງໄດ້ຈອດລົດຖີ້ມໄວ້ກາງປ່າ ກ່ອນຈະເອົາຕົວຫລົບຫນີ.

ປັດຈຸບັນເຈົ້າຫນ້າທີ່ກຳລັງຕິດຕາມຕົວມາສືບສວນ-ສອບສວນ.

ໂຈນໃຈກ້າລັກລົດກາງແຈ້ງ

โพสต์โดย Kojone World เมื่อ วันศุกร์ที่ 8 พฤศจิกายน 2019

ແຫຼ່ງຂໍ້ມູນ: ຫນັງສືພິມລາວພັດທະນາ

LEAVE A REPLY

Please enter your comment!
Please enter your name here