ຊ່ວງນີ້​ ລົມໜາວເລີ່ມພັດມາ ທັກທາຍຊາວນະຄອນຫຼວງວຽງຈັນແລ້ວ.​ ມື້ນີ້​ InsideLaos​ ມີຄຳແນະນຳໃຫ້ທຸກໆຄົນໄດ້ຮັບມືກັບອາກາດທີ່ປ່ຽນແປງ ມາຝາກ.​ ໂດຍເປັນເລື່ອງຂອງການກິນອາຫານທີ່ມີປະໂຫຍດ​ ຊ່ວຍປ້ອງກັນຫວັດ ແລະ​ ຮັກສາຄວາມອົບອຸ່ນຮ່າງກາຍ​ ລວມເຖິງ​ການເບິ່ງແຍງໂຕເອງໃນດ້ານອື່ນໆອີກດ້ວຍ.​

1. ເມນູສູ້ໄຂ້ຫວັດ
ຂໍແນະນຳເລື່ອງອາຫານການກິນກ່ອນເລີຍ ເພາະອາຫານປຽບເໝືອນຢາປ້ອງກັນພະຍາດທີ່ດີທີ່ສຸດ​ ໂດຍສະເພາະ​ ໄຂ້ຫວັດ​ ພູມແພ້ອາກາດ​ ທີ່ມາພ້ອມກັບອາກາດປ່ຽນແປງ

ແນະນຳໃຫ້ກິນອາຫານທີ່ຊ່ວຍເສີມພູມຄຸ້ມກັນໃນຮ່າງກາຍ ທີ່ສາມາດປ້ອງກັນຫວັດໄດ້​ ເປັນຕົ້ນແມ່ນ: ຕົ້ມໄກ່,​ ແກງເຫັດ​ ຫຼື​ ເມນູອື່ນໆທີ່ເນັ້ນຈໍາພວກ​ ຜັກທຽມ​ ຜັກບົວໃຫ່ຍ ຫອມແດງ ຜັກຫອມບົວ ເພາະຜັກເຫຼົ່ານີ້ ສາມາດປ້ອງກັນຫັວດໄດ້ດີ ນອກຈາກນີ້​ຍັງມີ ປະເພດ​ອາຫານທີມີເຄື່ອງເທດຫຼາຍ​ ຕົວຢ່າງ​ ຕົ້ມຍໍາປາ,​ ແກງສົ້ມປາ,​ ຊົ້ວໄກ່ ແລະ​ ອື່ນໆ

ນອກຈາກນີ້, ຍັງມີປະເພດນໍ້າຊາ,ນໍ້າຂີງ,​ ເຕົ້າຮວຍຂີງ ແລະ ອື່ນໆ ທີ່ສາມາດເຮັດໃຫ້ຮ່າງກາຍເຮົາອົບອຸ່ນໄດ້.

2. ຜັກ​ ໝາກໄມ້​ ທີ່ມີ​ວິຕາມິນ​ຊີ​ ແລະ​ ອີ​
ນອກຈາກອາຫານຈານຫຼັກແລ້ວ ຍັງຈຳເປັນຕ້ອງໄດ້ຫາ ໝາກໄມ້ທີ່ມີວິຕາມີນຊີ ແລະ​ ອີ​ ມາກິນ​ ເພາະວິຕາມີນຊີ​ ຈະຊ່ວຍສ້າງພູມຄຸ້ມກັນບໍ່ໃຫ້ເຮົາເປັນຫວັດໄດ້ງ່າຍ ມີຢູ່ນຳຈໍາພວກ: ໝາກກ້ຽງ,​ ໝາກສີດາ,​ ໝາກນອດ, ໝາກນັດ,​ ໝາກນາວ,​ ໝາກກີວີ ເປັນຕົ້ນ​

ສ່ວນວິຕາມີນອີ ຈະຊ່ວຍບໍາລຸງເຊວຕ່າງໆ ໃນຮ່າງກາຍ​ ໂດຍສະເພາະ ຜິວໜັງ​  ເລັບ​ ແລະ​ ເສັ້ນຜົມ ເຊິ່ງມັນຈະຊ່ວຍບໍ່ໃຫ້ ແຫ້ງ.​ ມີຢູ່ນໍາປະເພດ ໝາກອາໂວກາໂດ,​ ໝາກມີ້,​ ໝາກໄມ້ຕະກູນເບີຣີ ເປັນຕົ້ນ

3. ໂຍເກີດ ສູ້ເຊື້ອພະຍາດ
ໜາວໆແບບນີ້ ຢ່າລືມຫາໂຍເກີດມາກິນ ເພາະໂຍເກີດ ມີຈຸລິນຊີຊະນິດ​ດີ​ ທີ່ມີປະໂຫຍດ​ ຊ່ວຍສ້າງພູມຄຸ້ມກັນໃຫ້ຮ່າງກາຍ ຖ້າມີເຊື້ອພະຍາດເຂົ້າສູ່ຮ່າງກາຍ ຈຸລິນຊີກໍຈະຊ່ວຍຕໍ່ສູ້ ກຳຈັດເຊື້ອພະຍາດໃຫ້ຕາຍໄປ ເຮັດໃຫ້ເຮົາບໍ່ເຈັບປ່ວຍໄດ້ງ່າຍ. 

4. ດື່ມ​ນໍ້າລ່າໃຫ້ຫຼາຍໆ 

ຖືໄດ້ວ່າເປັນສິ່ງສໍາຄັນທີ່ສຸດ ເພາະວ່າຊ່ວງນີ້ອາກາດແຫ້ງຕ້ອງຕື່ມຄວາມສົດຊື່ນໃຫ້ກັບຮ່າງກາຍຢ່າງພຽງພໍ ຄວນດື່ມນ້ອຍສຸດແມ່ນບໍ່ໃຫ້ຫຼຸດ 1 – 1.5 ລິດ ຖືວ່າບໍ່ນ້ອຍບໍ່ຫຼາຍເກີນໄປ

ນອກຈາກການກິນແລ້ວ ຍັງຕ້ອງພັກຜ່ອນໃຫ້ພຽງພໍ ເຮັດຮ່າງກາຍໃຫ້ມີຄວາມອົບອຸ່ນຢູ່ສະເໝີ ໂດຍສະເພາະແມ່ນຕອນກາງຄືນ ເພາະອາກາດຈະເຢັນລົງກວ່າຕອນກາງເວັນ.

ຂໍ້ມູນ: Thairath.co.th

LEAVE A REPLY

Please enter your comment!
Please enter your name here