ວັນທີ 25 ຕຸລາ 2019 ເວລາ 13 ໂມງ 30 ນາທີ ທ່ານ ເດດສຸວັນ ມະໄລທອງ ຮອງເລຂາຄະນະພັກຮາກຖານ ພະລັງງານ ແລະ ບໍ່ແຮ່ ຫົວໜ້າ ລັດວິສາຫະກິດໄຟຟ້າລາວ ສາຂາແຂວງ ສາລະວັນ ມີພະ​ແນກ​ຄຸ້ມ​ຄອງ​ຕາ​ຂ່າຍ, ພະ​ແນກ​ໝໍ້​ນັບ​ໄຟ,ພະແນກເຕັກນິກ,​ພະ​ແນກ​ແຜນ​ການ,ພະ​ແນກ​ປະ​ຊາ​ສຳ​ພັນ ແລະ ສູນ​ບໍ​ລິ​ການໄຟ​ຟ້າ ເມືອງ ສາ​ລະ​ວັນ ໄດ້ລົງຕິດຕາມກວດກາ ໂຄງການກໍ່ສ້າງລະບົບຕາຂ່າຍ​22 ກວ,0,4ກວ,ຕິດຕັ້ງໝໍ້ແປງ ແລະ ຕິດຕັ້ງໄຟຟ້າ ເຂົ້າຖໍ້າພູຜາສຸກ ໃນໄລຍະທີ 2

ໃນ​ໂອ​ກາດນີ້, ​ທ່ານ ສີສຸວັນ ວົງຈອມສີ ເລຂາພັກແຂວງ ເຈົ້າແຂວງໆ ສາລະວັນ ມີ​ທ່ານ​ຮອງ​ເຈົ້າ​ແຂວງ ພ້ອມຄະນະ ເຂົ້າ​ຮ່ວມກວດ​ກາ​ໜ້າ​ວຽກ​ໂຄງ​ການ​ໃນ​ຄັ້ງ​ນີ້​ ເຊີ່ງຈຸດປະສົງໃນການລົງຕິດຕາມກວດກາ ໂຄງການຕິດຕັ້ງລະບົບຕາຂ່າຍ22 ກວ,0,4ກວ,ຕິດຕັ້ງໝໍ້ແປງ ແລະ ຕິດຕັ້ງໄຟຟ້າເຂົ້າຖໍ້າພູຜາສຸກ ໃນຄັ້ງນີ້ກໍ່ແມ່ນ ​ສ້າງ​ຂະ​ບວນ​ການກຽມໃສ່ ວັນ​ຊາດ​ທີ 2 ທັນ​ວາ ແລະ ກອງປະຊຸມໃຫ່ຍ 3 ຂັ້ນ ຂອງອົງຄະນະພັກແຂວງໆ ສາລະວັນ ທີ່ໄກຈະມາຮອດ ພ້ອມ​ກຽມ​ເປີດ​​ລະ​ດູ​ການ​ທ່ອງ​ທ່ຽວ​ຂອງ​ແຂວງ

ການຕິດຕັ້ງລະບົບໄຟຟ້າເຂົ້າຖໍ້າແມ່ນຕ້ອງໃຫ້ມີແສງສະຫວ່າງແສງໄຟສີ ເພື່ອຕ້ອນຮັບແຂກພາຍໃນ ແລະ ຕ່າງປະເທດທີ່ຈະມາທ່ຽວຊົມ ຖໍ້າພູຜາສຸກ ເມືອງ ແລະ ແຂວງ ສາລະວັນ ເຊີ່ງລວມມູມຄ່າໃນການກໍ່ສ້າງລະບົບຕາຂ່າຍ22 ກວ,0,4ກວ,ຕິດໝໍ້ແປງ ແລະ ຕິດຕັ້ງໄຟຟ້າເຂົ້າຖໍ້າພູຜາສຸກ ແມ່ນປະມານ 500 ລ້ານກ່ວາກີບໂດຍ​ທຶນ​ການ​ຊ່ວຍ​ເຫຼືອ​ລ້າ ຂອງ​ລັດ​ວິ​ສາ​ຫະ​ກິດ​ໄຟ​ຟ້າ​ລາວ ແລະ ​ໂຄງ​ການ​ນີ້​ໄດ້​ເລັ່ງ​ລົງ​ມື ໃນ​ວັນ​ທີ 10 ຕຸ​ລາ 2019 ຄາດວ່າຈະໃຫ້ສຳເລັດໃນຕົ້ນເດືອນ ພະຈິກ 2019.

ຂ່າວ​ ແລະ​ ພາບໂດຍ:​ ສົມມະໂນ​ ຈອມພະຈັນ

LEAVE A REPLY

Please enter your comment!
Please enter your name here