ຕາມການລາຍງານຂອງເຈົ້າໜ້າທີ່ພະແນກຕຳຫຼວດສະກັດກັ້ນ ແລະ ຕ້ານຢາເສບຕິດ ປກສ ແຂວງຈຳປາສັກ ໃຫ້ຮູ້ວ່າ: ໃນຄັ້ງວັນທີ16ຕຸລາ 2019 ນີ້ທາງເຈົ້າໜ້າທີ່ຂອງພວກເຮົາ ໄດ້ຮັບລາຍງານຈາກພົນລະເມືອງດີວ່າ: ມີກຸ່ມຄົນບໍ່ດີຈຳນວນໜື່ງເຄື່ອນໄຫວຄ້າຂາຍຢາເສບຕິດ ( ປະເພດຢາບ້າ ) ຢູ່ເຂດ ບ້ານໂພນສະຫວັນນະຄອນປາກເຊ ແຂວງຈຳປາສັກ.

ພາຍຫຼັງທີ່ໄດ້ຮັບລາຍງານແລ້ວທາງເຈົ້າໜ້າທີ່ຈື່ງໄດ້ມີການຈັດຕັ້ງກຳລັງວິຊາສະເພາະລົງຕິດຕາມກວດກາແຫຼ່ງຂ່າວເຫັນວ່າມີມູນຄວາມຈິງ, ຈາກນັ້ນ ຈີ່ງໄດ້ປະສານສົບທົບກັບ ອໍານາດການປົກຄອງບ້ານລົງມ້າງລາຍຄະດີດັ່ງກ່າວ ແລະ ສາມາດກັກຕົວຜູ້ຖືກຫາໄດ້ 04 ຄົນ,ຍີງ 1 ຄົນ.ໃນນັ້ນ,ຊື່ ທ້າວ ພັນ ພີມມະກອນ ອາຍຸ 56 ປີ,ສັນຊາດລາວ ອາຊີບເຮັດນາ,ບ້ານໃໝ່ ວັງໝາກແຊວເມືອງສູຊູມາ ແຂວງຈຳປາສັກ. ທ້າວ ບົວພັນ ບຸນທະຈາຍອາຍຸ 39 ປີ,ສັນຊາດລາວ ອາຊີບ ກຳມະກອນ ບ້ານກາງນະຄອນປາກເຊ,ແຂວງຈຳປາສັກ.ທ້າວ ໄພລີນ ຄຳມີເດດ, ອາຍຸ 37 ປີ ສັນຊາດລາວ ອາຊີບເຮັດນາ ຢູ່ບ້ານອຸທຸມໃໝ່ ເມືອງສຸຂຸມາ ແຂວງຈຳປາສັກ. ນາງ ພົງສະຫວັນທະນັນໄຊ ອາຍຸ 26 ປີ, ສັນຊາດລາວ, ອາຊີບເຮັດນາ, ບ້ານເຊບັ້ງໄຟ, ເມືອງສອງຄອນ, ແຂວງ ສະຫັວນນະເຂດ. ພ້ອມຂອງກາງຢາບ້າ 28.000 ເມັດ, ໝາກແຕກ 2 ໜ່ວຍ,ໂທລະສັບ 03 ໜ່ວຍ, ລົດໃຫຍ່ 01 ຄັນ.  ລົດຈັກ 2 ຄັນ

ປະຈຸບັນຄະດີດັ່ງກ່າວ ຍັງຢູ່ໃນຂັ້ນຕອນດຳເນີນການສວນ-ສອບສວນຂອງເຈົ້າໜ້າທີ່ ເພື່ອຂະຫຍາຍຜົນຊອກຫາຜູ້ຮ່ວມຂະບວນການນຳກັນມາດຳເນີນຄະດີຕາມລະບຽບກົດໝາຍຂອງບ້ານເມືອງ.

ທີ່ມາ: ຂ່າວຕຳຫວດຈຳປາສັກ

LEAVE A REPLY

Please enter your comment!
Please enter your name here