ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ກະຊວງການຄ້າໄທ ໝັ້ນໃຈມູນຄ່າການສັ່ງຊື້ໃນງານງານວາງສະແດງສິນຄ້າ “STYLE Bangkok”
ຈະທະລຸເປົ້າ ພ້ອມສົ່ງເສີມພາບລັກອຸດສະຫະກຳ
Life Style ຂອງໄທສູ່ສາກົນ

ພິທີເປີດງານວາງສະແດງສິນຄ້າ STYLE  Bangkok ຕຸລາ 2019 ໄດ້ຈັດຂຶ້ນທີ່ ສູນນິທັດສະການ ແລະ ການປະຊຸມໄບເທັກ ບາງນາ ໃນລະຫວ່າງ ວັນທີ 17 – 21 ຕຸລາ 2019, ໂດຍການເປັນປະທານໂດຍ ທ່ານ ສັນເສີນ ສະມະລາພາ ຜູ້ຊ່ວຍລັດຖະມົນຕີປະຈຳກະຊວງການຄ້າ ພ້ອມດ້ວຍ ທ່ານ ສົມເດດ ສຸສົມບູນ ຜູ້ກວດລາດຊະການ ກະຊວງການຄ້າ ແລະ ຮັກສາການແທນອະທິບໍດີກົມສົ່ງເສີມການຄ້າລະຫວ່າງປະເທດ ແລະ ຄະນະຜູ້ບໍລິຫານຈາກພາກລັດ ແລະ ເອກະຊົນ, ສະມາຄົມ, ສະຫະພັນ, ອົງກອນທີ່ກ່ຽວຂ້ອງຕະຫຼອດຈົນເຖິງສື່ມວນຊົນ ທັງໃນໄທ ແລະ ຕ່າງປະເທດເຂົ້າຮ່ວມງານຢ່າງຫຼວງຫຼາຍ

ງານ STYLE  Bangkok ຕຸລາ 2019, ມີຜູ້ເຂົ້າຮ່ວມງານ (Exhibitor) 986 ບໍລິສັດ 1,841 ບູທ, ແບ່ງເປັນຜູ້ປະກອບການພາຍໃນປະເທດ 859 ບໍລິສັດ 1,653 ບູທ ແລະ ຈາກຕ່າງປະເທດ 127 ບໍລິສັດ 188 ບູທ, ມາຈາກຫຼາກຫຼາຍປະເທດເຊັ່ນ: ຮົງກົງ (ຈີນ), ການາ, ຢີ່ປຸ່ນ, ໄຕ້ຫັວນ, ອິນເດຍ, ມາເລເຊຍ, ເກົາຫຼີ ແລະ CLMV

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ນອກຈາກນີ້, ພາຍໃນງານຍັງມີໂຊນ “The New Faces” ຈຸດລວບລວມສິນຄ້າຈາກຜູ້ປະກອບການທ້ອງຖິ່ນໜ້າໃໝ່ຫຼາຍກວ່າ 100 ຜູ້ປະກອບການເຂົ້າຮ່ວມ ເພື່ອເປັນການສົ່ງເສີມຜູ້ປະກອບການສັກກະຍະພາບໃນພູມີພາກສູ່ສາກົນຕາມນະໂຍບາຍ Local to Global ຂອງລັດຖະບານ.

ພາຍໃນງານ  “Style  Bangkok ຕຸລາ 2019” ນອກຈາກຜູ້ເຂົ້າຊົມງານຈະໄດ້ພົບກັບສິນຄ້າ Life Style ຈາກແບຣນໄທ ແລະ ຕ່າງປະເທດລະດັບຊັ້ນນຳທີ່ໜ້າສົນໃຈ ແລະ ຫຼາກຫຼາຍແລ້ວນັ້ນ ຍັງໄດ້ມີການລວບລວມສິນຄ້າສຸດພິເສດດ້ານແນວຄິດສ້າງສັນ, ສິນຄ້າລາງວັນ, ສິນຄ້ານະວັດຕະກຳ ແລະ ສິນຄ້າສຳລັບການຕະຫຼາດສະເພາະກຸ່ມອີກຢ່າງຫຼວງຫຼາຍເຊັ່ນ:  ສິນຄ້າ Niche Market ສໍາລັບຕະຫຼາດສະເພາະໄດ້ແກ່ແມ່ ແລະ ເດັກ (MOM&KIDS), ສິນຄ້າສໍາລັບສັດລ້ຽງ (PET), ສິນຄ້າສໍາລັບຜູ້ສູງອາຍຸ (60+), ສິນຄ້າ OTOP ແລະ ບໍ່ພຽງແຕ່ເທົ່ານັ້ນ ພາຍໃນງານ STYLR Bangkok ຕຸລາ 2562 ຍັງເປັນພື້ນທີ່ແລກປ່ຽນຄວາມຮູ້ ແລະ ອັບເດດເທຣນສິນຄ້າແບບ Life Style ເພື່ອໃຫ້ຜູ້ປະກອບການໄທສາມາດເດີນໜ້າກ້າວເຂົ້າສູ່ຕະຫຼາດໂລກຢ່າງເຂັ້ມແຂງ.

ທ່ານ ສັນເສີນ ສະມະລາພາ  ຜູ້ຊ່ວຍລັດຖະມົນຕີປະຈຳກະຊວງການຄ້າ ກ່າວວ່າ: ສິນຄ້າ Life Style ເປັນໜຶ່ງໃນອຸດສະຫະກຳທີ່ຮອງນາຍົກລັດຖະມົນຕີ ແລະ ລັດຖະມົນຕີວ່າການກະຊວງການຄ້າ (ທ່ານ ຈຸລິນ ລັກສະນະວິສິດ) ໄດ້ໃຫ້ຄວາມສໍາຄັນ ເນື່ອງຈາກວ່າເປັນສິນຄ້າສົ່ງອອກສັກກາຍະພາບ ດ້ວຍວັດຖຸດິບທີ່ມີຄຸນນະພາບ, ຝີມື ແລະ ຄວາມສາມາດຂອງຜູ້ຜະລິດ ລວມໄປເຖິງນະວັດຕະກຳ ແລະ ແນວຄວາມຄິດອັນສ້າງສັນ. ເຖິງແມ່ນວ່າເສດຖະກິດໃນທົ່ວໂລກພວມປະເຊີນໜ້າກັບຄວາມທ້າທາຍ ແລະ ການປ່ຽນແປງ ແຕ່ອຸດສະຫະກຳ Life Style ຂອງໄທຍັງຄົງເຂັ້ມແຂງ ແລະ ສ້າງລາຍໄດ້ສົ່ງອອກໃຫ້ກັບປະເທດ ຄິດເປັນສ່ວນຮ້ອຍເກືອບເຖິງ 5% ຂອງການສົ່ງອອກທັງໝົດໃນປີ 2018.

ທ່ານຍັງໄດ້ກ່າວຕື່ມອີກວ່າ: ລັດຖະບານມີຄວາມໝັ້ນໃຈໃນຄວາມສາມາດຂອງປະເທດ ແລະ ພາກເອກະຊົນຂອງໄທ ໂດຍໄດ້ກຳນົດມາດຕະການຂັບເຄື່ອນປະເທດ ເສີມສ້າງຄວາມເຂັ້ມແຂງໃຫ້ກັບໂຄງສ້າງເສດຖະກິດພື້ນຖານ ແລະ ປະຊາຊົນໃນສັງຄົມ ເຊິ່ງເຫັນໄດ້ຈາກການທີ່ກະຊວງການຄ້າໄດ້ຊຸກຍູ້ເວທີການວາງສະແດງສິນຄ້າ STYLE  Bangkok ນີ້,  ເພາະກະຊວງໄດ້ເນັ້ນໜັກ ແລະ ໃຫ້ຄວາມສຳຄັນຕໍ່ກັບງານ STYLE  Bangkok ໃນການເປັນເວທີເຊື່ອມຜູ້ຜະລິດໃນພູມີພາກ ກັບຜູ້ຊື້ຕ່າງປະເທດ ແລະ ເນັ້ນຄວາມສຳຄັນຂອງປະເທດໄທ ເພື່ອທີ່ຈະເປັນສູນກາງໃນການຮອງຮັບ ແລະ ກະຈາຍທຸລະກິດ (Springboard) ໄປສູ່ພູມມີພາກອາຊຽນ. ນອກຈາກນີ້ ງານ STYLE Bangkok ຍັງເປັນເວທີໃນການສົ່ງເສີມອຸດສະຫະກຳ Life Style ຂອງໄທໄປກວ່າ  90%    ຂອງຜູ້ປະກອບການເປັນ  SMEs ແລະ ດີໄຊເນີລຸ້ນໃໝ່ທີ່ມີຝີມື ພ້ອມນຳຜົນງານມາສ້າງສັນ ແລະ ໃຫ້ມີນະວັດຕະກຳສ້າງມູນຄ່າເພີ່ມເພື່ອນຳສະເໜີສູ່ລະດັບສາກົນ

ທ່ານ ສົມເດດ ສຸສົມບູນ ຜູ້ກວດລາດຊະການ ກະຊວງການຄ້າ ແລະ ຮັກສາການແທນອະທິບໍດີກົມສົ່ງເສີມການຄ້າລະຫວ່າງປະເທດ ໄດ້ກ່າວເພີ່ມຕື່ມວ່າ ງານ STYLE Bangkok ເປັນເຄື່ອງມືການຕະຫຼາດທີ່ກົມສົ່ງເສີມການຄ້າລະຫວ່າງປະເທດດຳເນີນການຕໍ່ເນື່ອງເປັນຄັ້ງທີ 05 ເພື່ອໃຊ້ສົ່ງເສີມຜູ້ປະກອບການສິນຄ້າ Life Style ໄທສູ່ເວທີການຄ້າໂລກ ໂດຍເນັ້ນການດຳເນີນທຸລະກິດດ້ວຍຄວາມຄິດສ້າງສັນ ແລະ ນະວັດຕະກຳໃຫ້ສອດຄ່ອງກັບແນວທາງນະໂຍບາຍເສດຖະກິດອັນສ້າງສັນຂອງລັດຖະບານ ດັ່ງທີ່ໄດ້ເຫັນຈາກແນວຄິດການຈັດງານ Crenovative Origin ເຊິ່ງໄດ້ມາຈາກການປະສົມປະສານຄວາມຄິດສ້າງສັນ (Creative), ນະວັດຕະກຳ (Innovation) ແລະ ຕົ້ນກຳເນີດ (Origin) ໄວ້ລວມກັນ

ພາຍໃນງານຍັງມີການສຳມະນາ ໃນຫົວຂໍ້ເຊັ່ນ: ເປີດກົນລະຍຸດເຄັດບໍ່ລັບ ເພີ່ມຍອດຂາຍປັງປັງສູ່ຮ້ອຍລ້ານໂດຍ ບັງຮາຊັນ (ເຈົ້າຂອງເພຈຮາຊັນ) ອາຫານທະເລຕາກແຫ້ງ ຈັງຫວັດສະຕູນ, ປ່ຽນມຸມມອງຄວາມຄິດພິຊິດປາຣີດດ້ວຍກະເປົ໋າຜ້າໄໝໄທໂດຍ ທ່ານ ອັກຄະລະພົງ ຕັ້ງຕົງຈິດ (ເຈົ້າຂອງ ເຊີ  ຣີສອດ ຫົວຫິນ). Packaging ໃຜວ່າບໍ່ສຳຄັນ ປ່ຽນແລ້ວລວຍ ໂດຍທ່ານ ສົມຊະນະ ກັງວານຈິດ (Executive Creative Director) ບໍລິສັດ ພ້ອມດີຊາຍ ຈຳກັດ (Prompt Design) ນັກອອກແບບພາຊະນະບັນຈຸລະດັບໂລກ. ການອົບຮົມສຳມະນາຕຽມໂຕຂອງໂຄງການ TOPTHAI Flagship Store ໃນເວັບໄຊ Tmall Global ເວທີ B2C ໃນເຄືອອາລີບາບາ  ທີ່ມີຍອດຂາຍອັນດັບໜຶ່ງຂອງຈີນ.

LEAVE A REPLY

Please enter your comment!
Please enter your name here