ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ລະດັບນໍ້າງື່ມເລີ່ມບົກແຫ້ງລົງ ຕັ້ງແຕ່ເດືອນກັນຍາ 2019 ແລະ ຍັງສືບຕໍ່ບົກແຫ້ງຢ່າງຕໍ່ເນື່ອງຈົນຮອດປະຈຸບັນ. ເຊິ່ງຖືໄດ້ວ່າເປັນການບົກແຫ້ງໃນຮອບ 50 ປີ. ຕໍ່ກັບສະພາບການດັ່ງກ່າວມັນກະທົບໂດຍກົງຕໍ່ການທໍາການຜະລິດຂອງປະຊາຊົນ ໂດຍສະເພາະແມ່ນການຜະລິດລະດູແລ້ງທີ່ຈະມາເຖິງນີ້. ພ້ອມດຽວກັນນັ້ນ, ກໍຍັງທົບເຖິງຜູ້ລ້ຽງປາກະຊັງ ແລະ ການສັນຈອນທາງນໍ້າພົບຄວາມຫຍຸ້ງຍາກລໍາບາກ.

ທ່ານ ດໍາ ຜູ້ລ້ຽງປາກະຊັງ ຢູ່ບ້ານທ່າງອນ ເມືອງໄຊທານີ ນະຄອນຫຼວງວຽງຈັນ ໃຫ້ສຳພາດວ່າ: ພາຍຫຼັງທີ່ນໍ້າງື່ມເລີ່ມບົກແຫ້ງລົງ ມັນໄດ້ສົ່ງຜົນກະທົບຕໍ່ທຸລະກິດການລ້ຽງປາກະຊັງໂດຍກົງ ເນື່ອງຈາກນໍ້າຫຼຸດລົງຫຼາຍ ຈຶ່ງຕ້ອງໄດ້ຍັບກະຊັງລ້ຽງປາອອກຈາກແຄມຝັ່ງເຂົ້າໄປນໍ້າເລິກອີກ ເພື່ອໃຫ້ມີນໍ້າພຽງພໍໃນການລ້ຽງປາ, ບາງຈຸດທີ່ນໍ້າແຫ້ງຈາກຕາຝັ່ງຫຼາຍ ກໍເຮັດໃຫ້ດິນເຈື່ອນລົງທັບກະຊັງປາ, ເຮັດໃຫ້ຕົ້ນທຶນການຜະລິດສູງຂຶ້ນ ເນື່ອງຈາກຕ້ອງໃຊ້ເວລາລ້ຽງປາໃຫ້ມີນໍ້າໜັກພໍຂາຍດົນຂຶ້ນ ຈາກປົກກະຕິ 4 ເດືອນ ກໍສາມາດຂາຍປາອອກໄດ້ແລ້ວ ກໍຕ້ອງເພີ່ມເວລາຂຶ້ນເປັນ 5 ເດືອນ. ດັ່ງນັ້ນ ຕົ້ນທຶນຊື້ຫົວອາຫານ ແລະ ອົກຊີແຊນກໍເພີ່ມຂຶ້ນ

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ດ້ານທຸລະກິດຮ້ານອາຫານເຮືອແພ ພະນັກງານຮ້ານອາຫານເຮືອແພລາວເດີມ ຢູ່ບ້ານທ່າງອນ ເມືອງໄຊທານີ ນະຄອນຫຼວງວຽງຈັນ ໃຫ້ສໍາພາດວ່າ: ປີນີ້ຖືວ່າພົບວິກິດນໍ້າງື່ມບົກແຫ້ງຫຼາຍ ເຮັດໃຫ້ການລ່ອງເຮືອທ່ຽວຊົມຕາມລໍານໍ້າງື່ມມີຄວາມຫຍຸ້ງຍາກ, ພົບອຸປະສັກຢູ່ບາງຈຸດ ບາງບ່ອນນໍ້າຕື້ນ, ມີບ່ອນມີໂງ່ນຫີນ ແລະ ທ່ອນໄມ້ພົ້ນສູງຂຶ້ນ ເຊິ່ງມີສ່ຽງຕໍ່ອັນຕະລາຍທີ່ອາດເກີດຂຶ້ນໄດ້. ແຕ່ລູກຄ້າທີ່ມາໃຊ້ບໍລິການຂອງຮ້ານກໍຍັງສາມາດມາໄດ້ປົກກະຕິ.

LEAVE A REPLY

Please enter your comment!
Please enter your name here