ວັນທີ​ 12​ ຕຸລາ​ 2019​ ທີ່​ ສູນການຄ້າ​ວຽງຈັນ​ເຊັນ​ເຕີ ໄດ້ຈັດກິດຈະກຳ Star Road Show ທີ່ໄດ້ທີມນັກສະແດງຈາກຮູບເງົາ ຂຸນແຜນ​ຟ້າຟື້ນ​ ນໍາໂດຍ ມາລີໂອ​້ ເມົາເລີ້ (ພະເອກ),​ ຟ້າ​ ຍົງວະຣີ (ນາງເອກ),​ ນ້ອງລົດບັດ ພາພົນ ແລະ​ ນັກສະແດງສົມທົບອີກຫຼາກຫຼາຍ ມາສ້າງສີສັນ ແລະ​ ຄວາມມ່ວນຊືນໃຫ້ແຟນໆຊາວລາວ.​

ພາຍໃນງານ​ໄດ້ມີ​ກິດຈະກຳ​ຫຼາຍໆຢ່າງ​ ເປັນຕົ້ນແມ່ນ: ມີການໃຫ້ແຟນຊາວລາວເຕັ້ນເພງ ຝາກ​ລ້ຽງ​ ເພື່ອຮັບລາງວັນ ໝອນກຸມານ,​ ຕອບຄຳຖາມ​ ເພື່ອຮັບລາງວັນ​ ຈີ້ດາບຟ້າຟື້ນ ແລະ​ ອື່ນໆ ອີກ​ຈຳນວນຫຼາຍ.​

ມາລິໂອ້ ເມົາເລີ້ ໄດ້ກ່າວຄວາມຮູ້ສຶກວ່າ: ຂ້າພະເຈົ້າຮູ້ສຶກດີໃຈຫຼາຍທີ່ໄດ້ມາລາວໃນຄັ້ງນີ້ ໂດຍສະເພາະເຫັນແຟນມາຖ້າ ຈາກທີ່ເດີນທາງມາເມື່ອຍໆ ກໍເຮັດໃຫ້ເຊົາເມື່ອຍເລີຍ. 

ຟ້າ​ ຍົງວະຣີ​ ນາງເອກຂອງເລື່ອງກໍໄດ້ກ່າວວ່າ: ສຳລັບການເດີນທາງມາລາວ ຄັ້ງນີ້ສະດວກສະບາຍຫລາຍ ທີ່ປະທັບໃຈ ທີ່ສຸດ​ແມ່ນຟ້າຮູ້ສຶກວ່າ ປະເທດລາວ​ຄືກັນກັບບ້ານ ເພາະຟັງສຳນຽງອອກ ແລະ​ ທີ່ສຳຄັນແມ່ນອ່ານພາສາລາວໄດ້ສະບາຍມື້ນີ້ຟ້າໄດ້ມີໂອກາດໄປເຊີໄພ້ແຟນໆທີ່ກຳລັງເບິ່ງຮູບເງົາ ກໍ່ຮູ້ສຶກ​ດີໃຈຫຼາຍ​ທີ່ໄດ້ໄປເຫັນຄົນເບິ່ງເຕັມໂຮງເລີຍ.​ 

ນອກຈາກນີ້​ນ້ອງລົດບັດ​ ຍັງໄດ້ກ່າວເຊີນຊວນເປັນພາສາລາວອີກວ່າ: ສະບາຍດີພີ່ນ້ອງຊາວລາວ ມື້ນີ້ພວກເຮົາມາຊວນເບິ່ງຮູບເງົາເລື່ອງຂຸນແຜນຟ້າຟື້ນ​ ພວກເຮົາຫວັງວ່າພີ່ນ້ອງຊາວວຽງຈັນຈະມ່ວນຫຼາຍໆເດີ້.

LEAVE A REPLY

Please enter your comment!
Please enter your name here