ສູນ​ບໍລິການ​ ວິສາຫະກິດ​ຂະໜາດ​ນ້ອຍ​ ແລະ​ ກາງ,​ ສະພາ​ການຄ້າ​ ແລະ​ ອຸດສະຫະ​ກຳ​ແຫ່ງຊາດ​ ຈັດງານ​ສົນທະນາໃນລະຫວ່າງອາຫານເຊົ້າ ​ໃນຫົວຂໍ້​ “ກ້າວ​ສູ່ປະເທດລາວທີ່ປາສະຈາກພລາສຕິກ ຫຼຸດ​ຜ່ອນການນໍາໃຊ້ພລາສຕິກແບບໃຊ້ຄັ້ງດຽວ ໃນອຸດສະຫາກຳການທ່ອງທ່ຽວ”​ ໂດຍມີ​ຈຸດປະສົງເພື່ອ ພົບປະແລກປ່ຽນປະສົບການ ແລະ​ ແນວຄວາມຄິດຜົນສຳເລັດຂອງການດຳເນີນທຸລະກິດຕໍ່ກັບມຸມມອງ ການມີສ່ວນຮ່ວມໃນການປົກປັກຮັກສາສິ່ງແວດລ້ອມ ກັບຜູ້ເຂົ້າຮ່ວມ

ໃນໂຮງແຮມ ແລະ ຮ້ານອາຫານ ບັນດາຜະລິດຕະພັນພລາສຕິກທີ່ໃຊ້ໄດ້ຄັ້ງດຽວແມ່ນບໍ່ມີຄວາມເປັນ. ການຫຼຸດຜ່ອນ ຫຼື ກຳຈັດ ພລາສຕິກເຫຼົ່ານັ້ນບໍ່ພຽງແຕ່ສ້າງປະໂຫຍດໃຫ້ແກ່ສິ່ງແວດລ້ອມ ແຕ່ມັນຍັງມີຄວາມໝາຍສຳຄັນທາງທຸລະກິດນໍາອີກ. ບັນດາລູກຄ້າແມ່ນໄດ້ຮັບຮູ້ຫຼາຍຂຶ້ນກ່ຽວກັບຜົນກະທົບທາງລົບຂອງພລາສຕິກທັງຕໍ່ສິ່ງແວດລ້ອມ ແລະ ສຸຂະພາບຂອງເຮົາ

ສະນັ້ນ ການຮັບຮູ້ດ້ານສິ່ງແວດລ້ອມ ແລະ ການນໍາໃຊ້ພລາສຕິກທີ່ຍ່ອຍສະຫຼາຍໄດ້ຫຼາຍຂຶ້ນ ຈະຊ່ວຍໃຫ້ທຸລະກິດທ່ອງທ່ຽວມີຄວາມໂດດເດັ່ນຂື້ນ ໃນຖານະເປັນຜູ້ບຸກເບີກ ໃນອຸດສະຫາກໍາ ຫຼຸດຜ່ອນຄວາມສ່ຽງດ້ານລະບຽບການໃນອະນາຄົດ ຕອບສະໜອງຄວາມຮຽກຮ້ອງຕ້ອງການຂອງຜູ້ບໍລິໂພກ ເສີມຂະຫຍາຍຊື່ສຽງ ແລະ ຄຸນຄ່າຂອງສິນຄ້າ ໃນລະດັບຊາດ.

ທ່ານ​ ນາງ​ ພອນສະຫວັນ​ ວິລິວົງ  ເຈົ້າຂອງ​ ເລີ​ ທຣິໂອ Le​ Trio​ Coffee Roasting boutique ນະຄອນຫຼວງວຽງຈັນ  ໄດ້ກ່າວວ່າ: ຕັ້ງແຕ່ ປີ​ 2013 ທາງເຮົາໄດ້ເລີ່ມຮັກສາສິ່ງແວດລ້ອມ ໂດຍການ​ໃຫ້ລູກຄ້າ ສົ່ງຖົງກະເຟຄືນ ຫຼັງຈາກທີ່ລູກຄ້າຊື້ໄປແລ້ວ.​ ໂດຍເຮົາຈະມີອັກສອນທາງຫລັງວ່າ ເຮົາຢາກໃຫ້ລູກຄ້າຮ່ວມມືນໍາເຮົາໃນການ ສົ່ງຖົງຄືນ ເພາະວ່າຈະໄດ້ປະຫຍັດການໃຊ້ຖົງພລາສຕິກເພີ່ມ.​ ມາຮອດປີ 2017​ ເຮົາໄດ້ເລິ່ມໃຊ້ຈອກກະເຟ (ແບບກັບບ້ານ)​ ທີ່ເປັນ​ Biodegradable​ ໝາຍຄວາມວ່າ​ ມັສສາມາດສະຫຼະໂຕໄດ້​ໂດຍອາໄສ ອາກາດ​ ຄວາມຊຸມ.​ ນອກຈາກນີ້ຫຼອດດູດ,​ ຖົງຂີ້ເຫຍື້ອ ແລະ​ ອື່ນໆ​ ທາງຮ້ານເຮົາກໍໃຊ້ເປັນ Biodegradable​ ເຊັ່ນກັນ.​ ແຕ່ບັນຫາຂອງ Biodegradable​ ກໍຄືຢູ່ບ້ານເຮົາຍັງບໍ່ມີໜ່ວຍງານໃດ ທີ່ສາມາດເອົາກັບມາດິໄຊໂຄລໄດ້ ມັນອາດຈະໄປປົ່ນຢູ່ກັບພວກພລາສຕິກອື່ນ ທາງຮ້ານເຮົາເລີຍຄິດ​ໃໝ່​ ໂດຍການ​ກະຕຸ້ນ​ໃຫ້ລູກຄ້າຖືກຈອກມາເອງ ແລະ​ ທຸກຄັ້ງທີ່ລູກຄ້າເອົາຈອກມາເອງ ແມ່ນເຮົາຈະເອົາເງິນໃຫ້ລູກຄ້າຄືນ 2000​ ກີບ.​ ຫຼອດດູດກໍປ່ຽນມາໃຊ້ແບບ ຫຼອດໄມ້ໄຜ່.​ ແຕ່ຂ້າພະເຈົ້າຄິດວ່າຫຼັກໆ ແມ່ນຕ້ອງເລີ່ມຈາກບຸກຄົນກ່ອນ ເພາະ​ 95% ແມ່ນຜູ້ບໍລິໂພກ ຖ້າຜູ້ບໍລິໂພກມີຄວາມຄິດຄືກັນ ມີຄວາມຢາກຫຼຸດຜ່ອນພລາສຕິກ ມັນກໍຈະຫຼຸດຜ່ອນໄດ້ຫລາຍ.​

ທາງດ້ານ​ ທ່ານ​ ນາງ​ ອາລິຈິດ ແພງສະຫວັນ ຜູ້ຈັດການດ້ານການຮຽນຮູ້ຄວາມຍືນຍົງ ໂຮງແຮງ ແມຊົງ ສຸວັນນະພູມ ນະຄອນຫຼວງ​ພະ​ບາງ​ ກໍໄດ້ກ່າວວ່າ: ທາງໂຮງແຮມຂອງພວກເຮົາ ໄດ້ເລີ່ມຈັດຕັ້ງປະຕິບັດ ຕັ້ງແຕ່ ປີ​2017​ ໂດຍມີເປົ້າໝາຍ​ທີ່ຈະຫຼຸດຜ່ອນການໃຊ້ຖົງຢາງທີ່ໃຊ້ຄັ້ງດຽວ,​ ຫາສິ່ງມາທົດແທນພລາສຕິກ ແລະ​ ປູກຈິດສຳນຶກ​ ແລະ​ ປ່ຽນແປງ​ພຶດຕິການ.​ ໃນລ່າສຸດ​ໂຕເລກ ທ້າຍເດືອນ 8​ ໂຮງແຮມເຮົາສາມາດຫຼຸດຜ່ອນພລາສຕິກໄດ້​ 86% ໂດຍເຮົາຕັ້ງເປົ້າໝາຍວ່າ ປີ​ 2020​ ເຮົາຈະເປັນໂຮງແຮມ Free Plastic.

LEAVE A REPLY

Please enter your comment!
Please enter your name here