ຫໍພິພິທະພັນຊົນເຜົ່າສ້າງສຳເລັດ​ ເດືອນ​ ກຸມພາ ປີ​ 2019. ໂດຍມີຈຸດປະສົງ ເພື່ອໄວ້ໃຫ້ຄົນຮຸ້ນປັດຈຸບັນ ແລະ ບັນດາແຂກນັກທ່ອງທ່ຽວໄດ້ມາເບິ່ງຮູ້ເຫັນເຄື່ອງມືແຕ່ລະຊົນເຜົ່າທີ່ເປັນຮີດຄອງປະເພນີລາວໃນສະໄໝບູຮານ​

ທັງເປັນບ່ອນເກັບສະສົມວັດຖຸເຄື່ອງມືສະໄໝບູຮານຂອງແຕ່ລະຊົນເຜົ່າລາວທີ່ມີອາຍຸເກົ່າແກ່ຫຼາຍຮ້ອຍປີ ໃນນັ້ນລວມມີປະເພດເຄື່ອງຮີດຄອງປະເພນີ, ອຸປະກອນເຄື່ອງມືໃຊ້ຊີວິດປະຈຳວັນໂດຍມີຫຼາຍຊະນິດລວມທັງສິ່ງຂອງມີມູນຄ່າ ແລະ ບໍ່ມີມູນຄ່າ ແຕ່ສ່ວນໃຫຍ່ຈະເປັນເຄື່ອງມືທີ່ມີຄວາມໝາຍທາງດ້ານວັດທະນະທຳເຊັ່ນ: ກີ່ຕໍ່າຫູກ, ແຜ່ນແຜ, ຊຸດຊົນເຜົ່າ, ເຮືອນຊົນເຜົ່າ ແລະ ອື່ນໆ. ສໍາລັບເຄື່ອງວັດຖຸທັງໝົດແມ່ນໄດ້ນຳເອົາມາຈາກບັນດາຊົນເຜົ່າແທ້ ທີ່ໄດ້ສະສົມສິ້ນສ່ວນມາໄດ້ຫຼາຍປີ.

ພະນັກງານປະຈໍາພິພິທະພັນໄດ້ກ່າວວ່າ: ຕອນນີ້ທາງພິພິທະພັນ ກຳລັງເລັ່ງກໍ່ສ້າງ ເຮືອນຊົນເຜົ່າທີ່ສະແດງພາຍໃນເຮືອນຂອງແຕ່ລະຊົນເຜົ່າ, ທີ່ສະແດງເຖິງການດຳລົງຊີວິດຂອງຊົນເຜົ່າຕ່າງໆໃນປະເທດລາວ. ປະຈຸບັນ ແມ່ນເຮົາມີພຽງຮູບແບບເຮືອນຊົນເຜົ່າພາຍນອກໃຫ້ເບິ່ງເທົ່ານັ້ນ ແລະ ຄາດວ່າພາຍໃນເຮືອນ ຈະສ້າງສໍາເລັດໃນໄວໆນີ້.

ສະຖານທີ່ຕັ້ງຢູ່ ສວນພຶກສາ ບ້ານໃໝ່ດານຊີ ເມືອງນາຊາຍທອງ ນະຄອນຫຼວງວຽງຈັນ.

LEAVE A REPLY

Please enter your comment!
Please enter your name here