ໄພພິບັດຈາກທໍາມະຊາດເປັນສິ່ງເຮົາບໍ່ສາມາດຫຼີກລ່ຽງໄດ້. ແຕ່ເຮົາສາມາດຫາວິທີປ້ອງກັນໄດ້ ເຊິ່ງໄພພິບັດທີ່ຄົນລາວມັກປະສົບຢູ່ເປັນປະຈໍາ ແມ່ນ ອຸທົກກະໄພ ເຊິ່ງເກີດມາຈາກສາເຫດ ນໍ້າຖ້ວມຂັງ ນໍ້າລົ້ນຕາຝັ່ງ ນໍ້າປ່າໄຫຼນອງ ແລະ ນໍ້າຖ້ວມກະທັນຫັນ ໂດຍສ່ວນຫຼາຍແມ່ນເກີດຈາກມີຝົນຕົກແຮງ ຕິດຕໍ່ກັນເປັນເວລາຫຼາຍຊົ່ວໂມງ ຈົນເຮັດໃຫ້ພື້ນດິນບໍ່ສາມາດດູດຊັບນໍ້າໄດ້ທັນທີ ໂດຍຝົນທີ່ຕົກລົງມານັ້ນຈະໄຫຼລົງສູ່ເຂດທີ່ຕໍ່າກວ່າ ຈົນເຮັດໃຫ້ນໍ້າໄຫຼເຂົ້າໄປໃນເຂດບ້ານເຮືອນ ຖະໜົນຫົນທາງ ແລະ ພື້ນທີ່ເຮັດກະສິກໍາຂອງປະຊາຊົນ ສົ່ງຜົນເສຍຫາຍຕໍ່ຊັບສິນ ແລະ ຊິວີດ.​

 ວິທີຮັບມືກັບອຸທົກກະໄພ ເບື້ອງຕົ້ນ

  • ຕິດຕາມຂ່າວສານ ແລະ ແຈ້ງການສະພາບຝົນຟ້າອາກາດ ຈາກກົມ ອຸຕຸນິຍົມ ແລະ ອຸທົກກະສາດຢ່າງສະໝໍ່າສະເໝີ
  • ກຽມເຂົ້າສານ ອາຫານແຫ້ງ ຢາສາມັນປະຈໍາບ້ານ ໄຟສາຍ ແລະ ອຸປະກອນທີ່ຈໍາເປັນອື່ນໆ ເພື່ອເອົາມາໃຊ້ໃນຍາມສຸກເສີນ
  • ໝັ່ນກວດເຊັດພື້ນເຮືອນ ພື້ນດິນບໍລິເວດບ້ານ ບໍ່ໃຫ້ມີເສດແກ້ວ ແລະ ຂອງມີຄົມອື່ນໆ ເພື່ອບໍ່ໃຫ້ອັນຕະລາຍ ເມື່ອເກີດນໍ້າຖ້ວມສູງ
  • ເກັບມ້ຽນເຄື່ອງຂອງທີ່ມີຄ່າ ແລະ ສັດລ້ຽງ ພ້ອມອຸປະກອນໄຟຟ້າ ໄປໄວ້ໃນຈຸດທີ່ສູງ
  • ຄວນມີເບີຕິດຕໍ່ ໜ່ວຍງານຕ່າງໆຂອງລັດ ເພື່ອຕ້ອງການຂໍຄວາມຊ່ວຍເຫຼືອ
  • ເກັບແບັດສຳຮອງ ແລະ ອຸປະກອນສື່ສານໃຫ້ພ້ອມ
  • ຫາກເກີດນໍ້າຖ້ວມ ໃຫ້ໜີຂື້ນໄປບ່ອນທີ່ສູງ ແລະ ປິດວົງຈອນໄຟຟ້າ ເພື່ອປ້ອງກັນ ໄຟຟ້າລັດວົງຈອນ
  • ຫ້າມກິນນໍ້າ ທີ່ຖ້ວມ ເພື່ອປ້ອງກັນໂຣກລະບາດ
  • ຫາກນໍ້າຖ້ວມບໍ່ສູງ ແມ່ນໃຫ້ລະມັດລະວັງໃນການໃຊ້ລົດໃຊ້ຖະໜົນ ແລະ ເບິ່ງແຍງລູກຫຼານບໍ່ໃຫ້ອອກຈາກບ້ານ
  • ລະວັງສັດມີພິດທີ່ມາກັບນໍ້າ

LEAVE A REPLY

Please enter your comment!
Please enter your name here