ຜູ້ທີ່ຕ້ອງການເຮັດບຸນ​ ໂດຍການຖວາຍ​ສັງຄະທານ​.​ ໂດຍສະເພາະໃນຊ່ວງເຂົ້າພັນສາແບບນີ້.​ ຄວນເລືອກເຄື່ອງທີ່ດີ ແລະ​ ມີຄຸນນະພາບ ທີ່ມີປະໂຫຍດຕໍ່ພຣະສົງ.​ ດັ່ງນັ້ນ​ເພື່ອ​ເປັນຕົວຊ່ວຍໃນການເລືອກຊື້ສິ່ງຂອງເຄື່ອງໃຊ້ນັ້ນ  ມື້ນີ້ອິນໄຊລາວຈື່ງໄດ້ເອົາຂໍ້ມູນດີໆ ມາຝາກ ທຸກຄົນ.​

ການເລືອກຊື້ສິ່ງຂອງເຄື່ອງໃຊ້​ ເພື່ອໄປຖວາຍແດ່ພຣະສົງນັ້ນ ຄວນເລືອກ​ຊື້​ ສິ່ງຂອງທີ່ມີຄຸນນະພາບ ແລະ​ ມີປະໂຫຍດຕໍ່ພຣະສົງຢ່າງແທ້ຈີງ.​ ເຊິ່ງເຮົາສາມາດ ເລືອກຊື້ສິ່ງຂອງ ເພື່ອມາຈັດຊຸດສັງຄະທານເອງໄດ້ ເພື່ອໃຫ້ພຣະສົງໄດ້ໃຊ້ປະໂຫຍດສູງສຸດ

ຫລາຍຄົນອາດຍັງຄິດບໍ່ອອກວ່າ ພຣະສົງ​ ມີຄວາມຈຳເປັນຕ້ອງໃຊ້ຫຍັງແດ່ ທີມ​ງານເຮົາເລີຍຫາຂໍ້ມູນ​ ສິ່ງທີ່ພຣະສົງຈໍາເປັນຕ້ອງໃຊ້ມາໃຫ້ທຸກຄົນໄດ້ສຶກສາ ກ່ອນໄປຖວາຍສັງຄະທານແດ່ພຣະສົງ

  • ເຄື່ອງຂຽນ ແລະ​ ອຸປະກອນ​ການຮຽນ ເຊິ່ງໃນ ປັດຈຸບັນ​ ພຣະສົງ​ ສຳມະເນນ​ ສ່ວນໃຫ່ຍ​ ແມ່ນເພີ່ນໄດ້ເຂົ້າຮຽນຢູ່ ໂຮງຮຽນສົງ ແລະ​ ມະຫາໄລ​ ຈື່ງມີຄວາມຈໍາເປັນຕ້ອງໃຊ້ອຸປະກອນການຮຽນ.
  • ມິີດດາມ ຄວນເປັນມີດດາມທີ່ດີ ມີຄຸນນະພາບ​ ເພື່ອໃຫ້ພຣະສົງຕ້ອງໄດ້ໃຊ້ປົງຜົມ​ ໄດ້ຢ່າງສະດວກ ແລະ​ ປອດໄພ
  • ຜ້າອາບນໍ້າຝົນ ເຮົາຈະເຫັນໄດ້ຕາມສັງຄະທານທົ່ວໄປ ແຕ່ສ່ວນຫລາຍແມ່ນບໍ່ມີຄຸນະພາບ ແລະ​ ໃຊ້ງານບໍ່ໄດ້
  • ເກີບ​ ເກີບທີ່ຈະນໍາຖວາຍນັ້ນ ຄວນເລືອກ​ຕາມຄວາມເໝາະສົມຂອງແຕ່ລະພື້ນທີ່
  • ຢາສາມັນທົ່ວໄປ ເຊັ່ນ​: ຢາກັນຍຸງ, ຢາດີຫວັດ,​ ຢາດີເຈັບທ້ອງ ແລະ​ ອື່ນໆ​ ຄວນເລືອກຢາທີ່ດີ ແລະ​ ມີຄຸນນະພາບ​ ທີ່ສຳຄັນຄວນເບິ່ງວັນໝົດອາຍຸ
  • ເຄື່ອງໃຊ້​ໄຟຟ້າ​ ເຊັ່ນ: ຫລອດໄຟ,​ ປັກສຽບ ແລະ​ ອື່ນໆ
  • ເຄື່ອງໃຊ້​ ຜະລິດຕະພັນ​ອະນາໄມ​ຕ່າງໆ​ ເຊັ່ນ: ນໍ້າຢາລ້າງຖ້ວຍ,​ ນໍ້າຢາລ້າງຫ້ອງນໍ້າ,​ ສະບູ, ສະບູຝຸ່ນ​ ແລະ​ ອື່ນໆ​

ສຳລັບວັນເຂົ້າພັນສາ ທີ່ຈະມາຮອດນີ້ ໃຜຈະໄປເຮັດບຸນຢູ່ວັດໃດ ແອັດມີນ ກໍຂໍອະນຸໂມທະນາບຸນ ນໍາທຸກຄົນ​ເດີ້​ ສາທຸ

ຮູບພາບຈາກ: Kapook.com

LEAVE A REPLY

Please enter your comment!
Please enter your name here