ສຸລິວິພາ ກຸລັງວັດທະນາ ຫຼື ຫຼາຍໆຄົນຮູ້ຈັກໃນນາມ ໜູແໝ່ມ ດາຣາ ພິທິກອນ ຊາວໄທທີ່ມີຜົນງານຜ່ານຈໍໃຫ້ແຟນໆຊາວລາວໄດ້ເຫັນກັນຕະຫຼອດ ໂດຍສະເພາະ ລາຍການ ຕະຫຼາດສົດສະນາມເປົາ, ສາມະຄົມເມຍຈ໋າ, ແລະ ແໝ່ມບ໊ອບ.

ໂດຍໃນລາຍງານ ແໝ່ມບ໊ອບ Let’s go ຕອນທີ 76-77 ແໝ່ມ ແລະ ບ໊ອບ ໄດ້ເດີນທາງມາຖ່າຍທຳຢູ່ ນະຄອນຫຼວງວຽງຈັນ. ໂດຍທັງສອງໄດ້ໄປທ່ຽວຫຼາຍໆບ່ອນ ເປັນຕົ້ນແມ່ນ ປະຕູໄຊ ແລະ ທາດຫຼວງ ນອກຈາກນີ້ຍັງໄດ້ ນຸ່ງຊຸດລາວ ໃສ່ບາດເຂົ້າໜ້ຽວຕາມປະເພນິລາວອີກດ້ວຍ.

ນອກຈາກນີ້ແລ້ວ ທັງສອງຍັງໄດ້ໄປຊີມອາຫານລາວ ຫຼາຍໆຢ່າງເຊັ່ນ: ເຂົ້າຈີ່ປາເຕ້, ຕໍາໝາກຮຸ້ງ, ປີ້ງກົບ ແລະ ອີກຫຼາຍໆຢ່າງ.

ການມາທ່ຽວລາວຂອງທັງສອງໃນຄັ້ງນີ້ ໄດ້ເຮັດໃຫ້ແຟນລາຍການຊາວໄທ ໄດ້ຮູ້ຈັກປະເທດລາວຫຼາຍຂື້ນ ແລະ ກໍມີຄວາມຮູ້ສືກຍາກມາທ່ຽວປະເທດລາວອີກດ້ວຍ.

ແຫຼ່ງຂໍ້ມູນ ແລະ ຮູບພາບ: ຊ່ອງ YouTube Mambob TV – Mambob Let’s go

LEAVE A REPLY

Please enter your comment!
Please enter your name here