ທ່ານ ນາງ ສົງບັນດິດ ຍົດໝັ້ນຄົງ ຜູ້ອຳນວຍການບໍລິສັດທົ່ງລະຫາສິນທັງເປັນປະທານສະມາຄົມນັກທຸລະກິດຍິງແຂວງສະຫວັນນະເຂດ ໄດ້ໃຫ້ສຳພາດຕໍ່ຜູ້ສື່ຂ່າວຂອງພວກເຮົາວ່າ:

ຫຼັງຈາກສະພາບທຸລະກິດມີການແຂ່ງຂັນກັນຈື່ງໄເກີດມີແນວຄວາມຄິດຢາກຊຸກຍູ້ພະລິດຕະພັນ ທີ່ເປັນເອກະລັກຂອງລາວກໍ່ຄືຂອງແຂວງສະຫວັນນະເຂດຄື ແຜ່ນແພ,ຜ້າພື້ນເມືອງໂດຍແມ່ນ ການຍ້ອມສີທໍາມະຊາດ,ຝ້າຍເຂັນມື ແລະ ກໍ່ເປັນຝ້າຍທີ່ເປັນທໍາມະຊາດ ປະຈຸບັນບໍລິສັດໄດ້ຫັນປ່ຽນຈາກໂຮງງານຕັດຫຍິບມາສູ່ທຸລະກິດທີ່ເປັນເພື່ອນກັບສີ່ງແວດລ້ອມ ໂດຍພະລິດຕະພັນທັງໝົດເອີ້ນວ່າ:ທຳມະຊາດ 100%ນີ້ແມ່ນຈຸດພິເສດຂອງສິນຄ້າ.

ທ່ານແມ່ນແມ່ຍິງຄົນໜຶ່ງທີ່ໄດ້ຮັບລາງວັນແມ່ຍິງອາຊຽນທີ່ເປັນ 1ຄົນ ໃນ 10 ຄົນຂອງນັກທຸລະກິດທີ່ເປັນຜູ້ຍິງຮັບຜົນສໍາເລັດ ທ່ານເປັນຜູ້ໜື່ງໄດ້ຮັບລາງວັນນີ້ ນອກຈາກລາງວັນອາຊຽນແລ້ວ ເພີ່ນກໍ່ຍັງໄດ້ຮັບລາງວັນລະດັບປະເທດຄືລາງວັນນັກພັດທະນາດີເດັ່ນແຫ່ງຊາດ ທີ່ລັດຖະບານລາວມອບໃຫ້, ແລະຍັງມີລາວັນອື່ນໆທີ່ຕ່າງປະ ເທດຄື ໄດ້ຮັບລາງວັນການອອກແບບດີເດັ່ນຂອງຜະລິດຕະພັນທີ່ປະເທດຍີ່ປຸ່ນ ແລະຍັງມີລາາງວັນຜະລິດຕະ ພັນຜ້າຝ້າຍຍ້ອມຄາມຈາກປະເທດຢູໂຣບ.

ຜ່ານການເຮັດທຸລະກິດເກືອບ 25 ປີຂອງບໍລິສັດຖືວ່າໄດ້ມີຜົນງານອັນໂດດເດັ່ນໃນສັງຄົມລາວກໍ່ຄືຢູ່ໃນອາຊຽນໃນນັ້ນຜົນງານທີ່ເດັ່ນຂອງບໍລິສັດແມ່ນເຮັດໂຮງງານຕັດຫຍິບສົ່ງອອກໄປຕ່າງປະເທດທີ່ເປັນຜະລິດຕະພັນມີ ຜ້າຝ້າຍ, ຖົງ ຊົບໝອນ,ຜ້າປູໂຕະແລະເຄື່ອງໃຊ້ປະເພດປະດັບອື່ນໆ ປະຈຸບັນ ເຮັດຜະລິດທຳມະຊາດພໍດີ 10 ປີ ທີ່ເຮັດກັບບໍລິສັດຍີ່ປຸ່ນແລະສົ່ງອອກ 2 ຄອນເທເນີ້, ມີຕົ້ນເດືອນ1ເທື່ອ ທ້າຍເດືອນ1ເທື່ອ ໂດຍຂາຍຢູ່ໃນ 150 ປະເທດແລະມີ 1.500 ກວ່າຮ້ານໃນໂລກທີ່ຂາຍສິນຄ້າບໍລິສັດທົງລະຫາສິນ.

ເຊີິ່ງໄດ້ຜະລິດເປັນປະຈໍາແລະມີແຜນການຕະຫຼອດລ່ວງໜ້າກ່ອນປີ 1 ພະນັກງານກຳມະກອນເຮັດວຽກປົກກະຕິໂດຍປະຕິບັດຕາມລະບຽບກົດໝາຍຂອງ ສປປ ລາວ ພ້ອມທັງມີການຮັບຮອງມີເງິນເດືອນປະຈໍາ,ມີຊີວິດການເປັນຢູ່ດີຂື້ນເປັນໄລຍະ 20 ກວ່າປີ, ທີ່ໄດ້ຮັບການຮໍ່າຮຽນຝຶກຝົນຕົນເອງໃນການເຮັດວຽກໃຫ້ໄດ້ມາດຕະຖານຂອງຕ່າງປະເທດໃນລະດັບສາກົນ, ນອກນັ້ນເພີ່ນກໍ່ຍັງໄດ້ສົ່ງເສີມຊຸກຍູ້ ຊ່ວຍເຫຼືອຊຸມຊົນເມືອງສອງຄອນແຂວງສະຫວັນນະເຂດຂອງພວກເຮົາ

ຕອນທ້ານທ່ານ ນາງສົງບັນດິດ ຍົດໝັ້ນຄົງ ຍັງເວົ້າຕື່ມອີກວ່າ:ໃນຕໍ່ໜ້າຍັງມີແຜນທີ່ຈະຂະຫຍາຍໂຮງງານຕື່ມອີກ..
ແຫຼ່ງຂໍ້ມູນ: medialaos

LEAVE A REPLY

Please enter your comment!
Please enter your name here