ລະດູຝົນໃກ້ເຂົ້າມາແບບນີ້ ຫຼາຍຄົນກໍຢາກຈະນອນຢູ່ບ້ານ ຫຼື ນັ່ງຢູ່ຫ້ອງການ ແລ້ວສັ່ງອາຫານຈາກ ເດຣີເວິຣີ ມາກິນ ໂດຍບໍ່ຕ້ອງຝ່າຝົນ ຝ່າລົດຕິດ ໄປກິນເຂົ້່າຢູ່ນອກ ຫຼື ໄປຕໍ່ຄິວຖ້າຊື້ຢູ່ຮ້ານດັງໆ. ເພາະທຸກມື້ນີ້ມີ Food Delivery ຫຼາຍໆເຈົ້າທີ່ເຮົາສາມາດສັ່ງອາຫານຜ່ານໂທລະສັບມືຖືໄດ້ງ່າຍໆ ພຽງຍົກຫູໂທ ຫຼື ກົດສັ່ງ ແລ້ວຖ້າບໍ່ດົນກໍໄດ້ກິນ.

ເວົ້າເລື່ອງ Food Delivery ໃນນະຄອນຫຼວງວຽງຈັນ ແອັດມິນ ກໍພໍຮູ້ຈັກຢູ່ 2 ເຈົ້າ (ເຫັນລຸ່ນອ້າຍຢູ່ຫ້ອງການສັ່ງມາກິນ) ຄື: M Food Delivery ແລະ Goteddy. ແຕ່ຍັງບໍ່ເຄີຍມີໂອກາດໄດ້ສັ່ງມາກິນເອງຈັກເທື່ອ ມື້ນີ້ກໍເປັນໂອກາດດີ ທີ່ຈະລອງສັ່ງມາກິນ (ເພາະຝົນຕົກ) ເຊິ່ງຈະລອງສັ່ງອາຫານທີ່ຄ້າຍຄືກັນ. ທີ່ສຳຄັນແມ່ນເຮົາຈະສັ່ງພ້ອມກັນ ທັງ 2 ເຈົ້າເລີຍ ເພື່ອໃຫ້ເຫັນເລື່ອງຂອງເວລາພ້ອມກັນ ໂດຍໃຫ້ນ້ອງຄົນໜຶ່ງຊ່ວຍສັ່ງ.

ມາເບິ່ງ M Food Delivery ອາຫານທີ່ສັ່ງຈາກເຈົ້່ານີ້ ແມ່ນມາຈາກຄົວ M Food ທັງໝົດ ໂດຍຈະມີການອັບເດດເມນູອາຫານຜ່ານເຟສບຸກ ແລະ ສັ່ງຜ່ານ Call Center 1113 ເປີດໃຫ້ບໍລິການທຸກມື້ ຕັ້ງແຕ່ 9:00 ຫາ 21:00 ຄ່າບໍລິການຈັດສົ່ງແມ່ນ 5000 ກີບ ທົ່ວຕົວເມືອງນະຄອນຫຼວງວຽງຈັນ.


• ກ່ອນອື່ນໝົດ ເຮົາຕ້ອງໄປເລືອກເມນູອາຫານ ຈາກໜ້າເຟສບຸກຂອງ M Food Delivery ມັກເມນູໃດ ເລືອກເມນູນັ້ນໄວ້ເລີຍ ແລະ ເຮົາກໍໄດ້ເລືອກ ເຂົ້າຂາເປັດພະໂລ້

• ຫຼັງຈາກໄດ້ເມນູທີ່ຕ້ອງການແລ້ວ ກຽມໂທລະສັບ ແລ້ວກົດໝາຍເລກ 1113 ແລ້ວໂທອອກ

• ພະນັກງານຮັບສາຍແລ້ວ ກໍສັ່ງອາຫານກັບພະນັກງານ ແລະ ພະນັກງານກໍຈະສອບຖາມລາຍລະອຽດຕ່າງໆ ເຊັ່ນ: ສະຖານທີ່ສົ່ງ, ວິທີຈະຈ່າຍເງິນຂອງລູກຄ້າວ່າ ຈ່າຍເງິນສົດ ຫຼື ຜ່ານທະນາຄານ, ພ້ອມບອກຍອດລວມບິນຄ່າອາຫານ ບວກຄ່າສົ່ງ 5000 ກີບ. ອໍ້! ພະນັກງານບອກກັບເຮົາວ່າປະມານ 30-45 ນາທີຮອດ.

• ເວລາຜ່ານໄປປະມານ 25 ນາທີ. ເອື້ອຍພະນັກງານກໍໂທມາ ຖືວ່າໄວພໍສົມຄວນ ເພາະເອື້ອຍລາວບອກວ່າ 30-45 ນາທີ. ແຕ່ພັດມາຮອດກ່ອນເວລາ ແລ້ວແອັດມິນກໍລົງໄປຮັບຢູ່ໜ້າຕຶກ

  • ພະນັກງານທີ່ມາສົ່ງ ບໍລິການໄດ້ປະທັບໃຈຫຼາຍ. ສຳລັບກ່ອງອາຫານ ການຫຸ້ມຫໍ່ພາຍນອກໂອເຄ ມີໂລ້ໂກຂອງ M Food Delivery ສ່ວນພາຍໃນມີ ອຸປະກອນຕ່າງໆຄົບຊຸດ

M Food Delivery ເໝາະສຳລັບຄົນທີ່ບໍ່ມັກເລືອກຫຼາຍ ບໍ່ຕ້ອງມີຂັ້ນຕອນຫຍັງຫຼາຍ ພຽງແຕ່ໂທບາດດຽວກໍຈົບ ເພາະວິທິການສັ່ງບໍ່ຫຍຸ້ງຍາກ ມີອາຫານອັບເດດທຸກມື້ ທັງ ຄາວ ທັງ ຫວານຄຶກັນ.

ຝ່າຍຂອງ Goteddy ແມ່ນຈະມີຫຼາຍຮ້ານອາຫານຈາກທົ່ວນະຄອນຫຼວງວຽຈັນ ມາລວມໄວ້ໃນແອັບດຽວ.

ໂດຍລາຄາໜ້າຮ້ານກັບລາຄາໃນແອັບແມ່ນລາຄາດຽວກັນ ເຈົ້ານີ້ແມ່ນຈະໃຫ້ສັ່ງຜ່ານແອັບ Goteddy ( ແຕ່ຕ້ອງໄປໂຫລດແອັບມາກ່ອນເດີ້ ) ເຊິ່ງເປິດບໍລິການຕັ້ງແຕ່ 8:30 ຫາ 23:30 ຄ່າບໍລິການຈັດສົ່ງແມ່ນເລີ່ມຕົ້ນ 6000 ກີບ ແຕ່ຈະບວກເພີ່ມ ຖ້າເກີນ 1 ກິໂລແມັດ 2000ກິບ/ກິໂລແມັດ.

• ຕ້ອງມີແອັບ Goteddy ແລະ ເປັນສາມະຊິກຂອງແອັບແລ້ວ ຫຼັງຈາກນັ້ນ ກົດເຂົ້າແອັບ Goteddy ທີ່ຢູ່ໃນໂທລະສັບ ກໍຈະເຈິໜ້າຈໍປະມານນີ້

ກົດເຂົ້າເມນູ Teddy Food. ໃນນີ້ກໍຈະເຫັນ ເມນູແນະນຳຈາກແອັບ ໂດຍຈະມີໝວດໝູ່ໃຫ້ເລືອກ ແລ້ວແຕ່ວ່າເຮົາຢາກກິນອາຫານ ປະເພດໃດ ແລະ ເຮົາຍັງສະມາດຄົ້ນຫາຮ້ານອາຫານໄດ້ອີກ.

• ມື້ນີ້ເຮົາເລືອກຮ້ານ ເອັມເຄ ໂດຍເລືອກສາຂາ ວັດນາກ. ອາຫານທີ່ເຮົາເລືອກມື້ນີ້ແມ່ນ ເຂົ້າໜ້າເປັດ+ໝູແດງ+ໝູກອບ. ກົດໃສ່ “ເລືອກ” ຫຼັງຈາກນັ້ນກົດໄປທີ່ ຮູບກະຕ່າ ທາງເທິງຫົວມຸມເບື້ອງຂວາ. ແລ້ວຈະເຫັນລາຍການອາຫານທີ່ເລືອກໄວ້ ກົດສະຫຼຸບລາຍລະອຽດການສັ່ງຊື້

• ແອັບຈະຂຶ້ນໜ້າບິນມາ ເຊີ່ງຈະມີຂໍ້ມູນຂອງຜູ້ຮັບສີນຄ້າ ເບີໂທ ສະຖານທີ່ ແລະ ລາຍການອາຫານ ລວມຄ່າອາຫານທັງໝົດ ລວມຄ່າສົ່ງທັງໝົດ ແລະ ສຸດທ້າຍແມ່ນລວມຄ່າໃຊ້ຈ່າຍທັງໝົດ. ກວດເບິ່ງລາຍລະອຽດ ຖ້າຖືກຕ້ອງແລ້ວ ກົດຢືນຢັນການສັ່ງຊື້

• ພິເສດ ແມ່ນເຮົາສາມາດ ກວດເບິ່ງວ່າອາຫານຂອງເຮົາຮອດຂັ້ນຕອນໃດແລ້ວ ໂດຍກົດໄປທີ່

ເວລາຜ່ານໄປ 11 ນາທີ ແຕ່ຍັງບໍ່ເຫັນ. (ອາດຈະສະເລ່ຍຈາກຕອນ ລົດຈັກເລີ່ມອອກຈາກຮ້ານ ມາຫາເຮົາ)

• ໃກ້ຈະມາຮອດແລ້ວ (ຍິ້ມ)

• ເວລາຜ່ານໄປ ພະນັກງານ ກໍໂທມາ. ຕອນນັ້ນຮູ້ສຶກຫິວເຂົ້າແລ້ວວວວວ

• ຫຸ້ມຫໍ່ພາຍນອກດູດີ ມີໂລໂກ້ Goteddy ພາຍໃນມີອາຫານຈາກເອັມເຄ

ສະຫຼຸບການທົດລອງເທື່ອນີ້ໄດ້ວ່າ 2 ເຈົ້ານີ້ ມີຂໍ້ດີທີ່ແຕກຕ່າງກັນ ແລ້ວແຕ່ວ່າຜູ້ສັ່ງຕ້ອງການອາຫານແບບໃດຫຼາຍກວ່າ ສໍາລັບຄົນທີ່ມັກອາຫານຈາກຮ້ານອາຫານຂາປະຈໍາ ກໍອາດຈະສັ່ງຈາກ Goteddy ເພາະມີຮ້ານອາຫານຫຼາກຫຼາຍແບບ ຈາກຫຼາຍໆຮ້ານອາຫານທົ່ວວຽງຈັນ ແຕ່ຕ້ອງຈ່າຍຄ່າຂົນສົ່ງສູງແນ່ (ແນະນຳໃຫ້ເລືອກຮ້ານທີ່ຢູ່ໃກ້ເຮົາທີ່ສຸດ ເພື່ອຈະບໍ່ໄດ້ເສຍຄ່າຂົນສົ່ງຫຼາຍ) ເພື່ອອາຫານຈາກຮ້ານໂປຣດ

ສໍາລັບ Goteddy ເທື່ອນີ້ ຜິດຫວັງເລື່ອງຂອງເວລາໜ້ອຍໜຶ່ງ ຊ້າກວ່າທີ່ບອກໃນແອັບ.

ມາທາງ M Food Delivery ເໝາະສຳລັບຄົນທີ່ບໍ່ມັກເລືອກຫຼາຍ ບໍ່ຕ້ອງມີຂັ້ນຕອນຫຍັງຫຼາຍ ພຽງແຕ່ໂທບາດດຽວກໍຈົບ ເພາະວິທີການສັ່ງບໍ່ຫຍຸ້ງຍາກ ມີອາຫານອັບເດດທຸກມື້ ທັງ ຄາວ ທັງຫວານຄືກັນ.

ສຸດທ້າຍແລ້ວ Food Delivery ກໍເປັນທາງເລືອກທີ່ດີສຳລັບ ລະດູຝົນ ແຕ່ຕອນນີ້ແອັດມິນຂໍໂຕໄປກີນກ່ອນເດີ້ ບ່າຍໆ!

LEAVE A REPLY

Please enter your comment!
Please enter your name here