ສໍາເລັດຈັດກິດຈະກໍາສະຫຼອງວັນສ້າງຕັ້ງຊາວໜຸ່ມ ປປລ

ສູນກາງຊາວໜຸ່ມ ປະຊາຊົນປະຕິວັດລາວ ຮ່ວມກັບ ຄະນະຊາວໜຸ່ມ ປະຊາຊົນປະຕິວັດລາວ ນະຄອນຫຼວງວຽງ ຈັນ ໄດ້ຈັດກິດຈະກໍາສະເຫຼີມສະຫຼອງວັນສ້າງຕັ້ງ ຄະນະຊາວໜຸ່ມ ປະຊາຊົນປະຕິວັດລາວ ຄົບຮອບ 64 ປີ ພາຍໃຕ້ຫົວຂໍ້:

ຄວາມຝັນຂອງຊາວໜຸ່ມ ອາຊີບຂອງຊາວໜຸ່ມ ໃຫ້ບັນດາສະມາຊິກຊາວໜຸ່ມຢູ່ບັນດາເມືອງ ແລະ ໂຮງຮຽນ ຜູ້ທີ່ກໍາລັງຈະເສັງຈົບ ຊັ້ນ ມ4-ມ7 ໄດ້ຮັບຮູ້ເຂົ້າໃຈຢ່າງເລິກເຊິ່ງ ແລະ ທັງເປັນສິ່ງກະຕຸກຊຸກຍູ້ ໃຫ້ສະມາຊິກຊາວ ໜຸ່ມເກີດມີແຮງບັນດານໃຈ ແລະ ມີເປົ້າໝາຍໃນເວລາຮຽນຈົບຊັ້ນ ມັດທະຍົມຕອນປາຍ ວ່າຈະຮຽນຫຍັງ ແລະ ຮຽນຕໍ່ຢູ່ໃສ ເວລາຮຽນຈົບມາແລ້ວຈະເຮັດຫຍັງ ປະກອບອາຊີບຫຍັງ ເພື່ອໃຫ້ຖືກກັບຄວາມຮູ້ ຄວາມສາ ມາດ ແລະ ພອນສະຫວັນຂອງຕົນເອງທີ່ໄດ້ຮຽນມາ ເຊິ່ງການຈັດກິດຈະກໍາໃນຄັ້ງນີ້ໄດ້ທັງໝົດ 3 ໂຮງຮຽນຄື:

ໂຮງຮຽນ ມສ ວຽງຈັນ ໂຮງຮຽນ ມສ ບ້ານຫ້ອມ ແລະ ໂຮງຮຽນ ມສ ດອນໜູນ ເຊີ່ງມີຜູ້ເຂົ້າຮ່ວມທັງໝົດ 10 07 ສະຫາຍ ເປັນຍິງ 611ສະຫາຍ ທັງນີ້ກໍ່ເພື່ອເປັນການອອກແຮງແຂ່ງຂັນສ້າງຜົນງານ ເພື່ອຂໍ່ານັບຮັບຕ້ອນ ກອງປະຊຸມໃຫຍ່ 3 ຂັ້ນ ຂອງຄະນະຊາວໜຸ່ມ ປະຊາຊົນປະຕິວັດລາວ ທົ່ວນະຄອນຫຼວງວຽງຈັນ ແລະ ທັງເປັນການຜັນຂະຫຍາຍມະຕິກອງປະຊຸມໃຫຍ່ ຄັ້ງທີ VII ຜູ້ແທນຊາວໜຸ່ມ ປະຊາຊົນປະຕິວັດລາວ ທົ່ວປະເທດ.

ການເຜີຍແຜ່ແຕ່ລະຄັ້ງທາງພາກສ່ວນທີ່ກ່ຽວຂ້ອງກໍ່ໄດ້ຜັດປ່ຽນກັນຂຶ້ນເຜີຍແຜ່ ເນື້ອໃນເອກະສານ ໂດຍສະ ເພາະແມ່ນ ຄວາມສໍາຄັນຂອງອາຊີບ ການເລືອກອາຊີບ ອາຊີບທີ່ເໝາະສົມກັບຕົນເອງ ການເຮັດທຸລະກິດ Startup ແລະ SME ທີ່ສໍາຄັນສໍາລັບໄວໝຸ່ມໃນປັດຈຸບັນ ພ້ອມດຽວກັນນີ້ ຍັງໄດ້ຮັບຟັງການເຜິຍແຜ່ ໃນການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ ຄັ້ງທີ VII ຜູ້ແທນຊາວໜຸ່ມ ປະຊາຊົນປະຕິວັດລາວ ທົ່ວນະ ຄອນຫຼວງວຽງຈັນ ເຊິ່ງໄດ້ຕັ້ງໜ້າສຸມໃສ່ໃນການຈັດຕັ້ງປະຕິບັດກວດກາປະເມີນຜົນຂໍ້ແຂ່ງຂັນ 4 ບຸກ ແລະ ທັງເປັນການເຜີຍແຜ່ ແນະນໍາ ຂໍ້ມູນຂ່າວສານອື່ນໆ ທີ່ສໍາຄັນໃຫ້ແກ່ສະມາຊິກຊາວໜຸ່ມຕື່ມອີກ.

ແຫຼ່ງຂໍ້ມູນ: ຄະນະຊາວໜຸ່ມ ນະຄອນຫຼວງວຽງຈັນ Vientiane Capital Youth Union

LEAVE A REPLY

Please enter your comment!
Please enter your name here