ໃຜໆກໍຢາກໃຫ້ບ້ານຂອງໂຕເອງຮົ່ມເຢັນ ຢູ່ເຢັນເປັນສຸກ ຫຼາຍໆ ຄົນຈື່ງຄິດຢາກປູກຕົ້ນໄມ້ມຸງຄຸນໄວ້ພາຍໃນເດີນບ້ານ ເພື່ອເອົາໂຊກເອົາລາບ ຕາມຄວາມເຊື່ອຂອງຄົນໂບຮານ ແລະ ຖ້າໃຜຍັງບໍ່ຮູ້ວ່າຄວນປູກຕົ້ນຫຍັງ ເພື່ອຄວາມເປັນສີຣິມຸງຄຸນ ແລະ ມື້ອື່ນນີ້ກໍແມ່ນວັນປູກຕົ້ນໄມ້ແຫ່ງຊາດ ເປັນໂອກາດດີທີ່ເຮົາຈະນໍາເອົາ 5 ຕົ້ນໄມ້ມຸງຄຸນ ທີ່ຄົນນິຍົມປູກຕາມເດີນບ້ານເພື່ອໃຫ້ທຸກຄົນໄດ້ໄປຊອກຫາມາປູກ ຖືໄດ້ວ່າ ໄດ້ທັງຄວາມເປັນສີຮິມຸງຄຸນ ແລະ ເພີ່ມຈຳນວນຕົ້ນໄມ້ໃຫ້ໂລກຂອງເຮົາອີກດ້ວຍ

  1. ຕົ້ນຄູນ

ຄົນລາວເຊື່ອກັນວ່າ ຖ້າເຮືອນໃດປູກຕົ້ນຄູນຈະຊ່ວຍໃຫ້ເຈົ້າຂອງບ້ານມີຄວາມຈະເລີນຮຸ່ງເຮືອງເຫຼືອງເຫຼືອມ ນອກຈາກນີ້ຍັງຊ່ວຍໃຫ້ບ້ານເຮືອນນັ້ນ ມີກຽດ ມີສັກສີ. ຄວນປູກໄວ້ທາງທິດຕະເວັນຕົກສຽງໃຕ້ຂອງບ້ານ

2. ຕົ້ນໝາກຍົມ

ຟັງແຕ່ຊື່ກໍໜ້າກະຮູ້ແລ້ວເນາະ ວ່າເປັນຫຍັງຄົນຈື່ງນິຍົມປູກໄວ້ຕາມເດີນບ້ານ ເພາະຄົນບູຮານເຊື່ອວ່າ ການປູກຕົ້ນໝາກຍົມ ຈະເຮັດໃຫ້ມີຄົນນີຍົມ ມີຊື່ສຽງ ບໍ່ມີຄົນຄິດຮ້າຍ ແລະ ອີກຄວາມເຊື່ອໜື່ງແມ່ນຖ້າປູກຕົ້ນໝາກຍົມໄວ້ທິດຕະເວັນອອກຈະປ້ອງກັນສັດຕູໄດ້

3. ຕົ້ນໝາກມ່ວງ

ນອກຈາກຈະເປັນຮົ່ມດີແລ້ວ ໝາກມ່ວງເອງກໍຍັງສາມາດເກັບມາກີນໄດ້ທັງສຸກ ແລະ ດີບ ນອກຈາກນີ້ຍັງມີຄວາມເຊື່ອທີ່ວ່າ ຖ້າປູກທາງທິດໃຕ້ຂອງບ້ານ ຈະຊ່ວຍໃຫ້ຜູ້ຢູ່ອາໄສ ຮັ່ງມີ ແລະ ຍັງປ້ອງກັນບໍ່ໃຫ້ຄົນອື່ນມາບຽດບຽນໄດ້ອີກດ້ວຍ

4. ຕົ້ນກ້ວຍ

ໄດ້ໃຊ້ທັງປະໂຫຍດຈາກຕົ້ນກ້ວຍຫຼາຍໆຢ່າງເປັນຕົ້ນແມ່ນ: ໃບສະມາດເອົາມາຫໍ່ໝົກ ຫຼື ເຮັດໝາກເບັງຍາມວັນສີນ, ໝາກສາມາດເອົາມາກີນໄດ້ຕອນສຸກ, ປີກ້ວຍເອົາມາແກງໃສ່ໄກ່ ແລະ ອີກຫຼາຍປະໂຫຍດຈາກຕົ້ນກ້ວຍແລ້ວ. ຄົນລາວຍັງເຊື່ອວ່າການປູກຕົ້ນກ້ວຍ ແມ່ນຈະຊ່ວຍໃຫ້ເຮັດຫຍັງກໍງ່າຍ ສະດວກສະບາຍ ງ່າຍຄືກັບປອກກ້ວຍ ຄວນປູກຕາມທິດ ຕະເວັນອອກຂອງບ້ານ

5. ຕົ້ນດອກເສດຖີ

ຕົ້ນໄມ້ທີ່ຄົນລາວນິຍົມປູກຫຼາຍອີກຊະນິດໜື່ງ ເພາະເຊື່ອວ່າຈະນຳໂຊກນໍາໄຊ ມາໃຫ້ ແລະ ຈະເຮັດໃຫ້ຄອບຄົວມີຄວາມສຸກ  ອີກຄວາມເຊື່ອແມ່ນ ຄວນໃຫ້ຜູ້ທີ່ມີອາຍຸສູງ ແລະ ໜ້າເຊື່ອຖືປູກໃຫ້ ໂດຍປູກທາງທິດໃຕ້ຂອງບ້ານ ອີກຢ່າງໜື່ງແມ່ນຄວນປູກວັນພຸດ ຈະເຮັດໃຫ້ອອກດອກດີ

ຮູ້ແບບນີ້ແລ້ວ ວັນປູກຕົ້ນໄມ້ ວັນທີ 01 ມິຖຸນາ 2019ນີ້ ໄປຊອກຫາມາປູກກັນຫຼາຍໆເດີ້. ເພື່ອຄວາມເປັນສີຣິມຸງຄຸນໃຫ້ແກ້ຄອບຄົວ ແລະ ຊ່ວຍເພີ່ມຕົ້ນໄມ້ໃຫ້ໂລກຂອງເຮົາພ້ອມ.

ຂໍຂອບໃຈຂໍ້ມູນດີໆຈາກ: ກະປຸກ

LEAVE A REPLY

Please enter your comment!
Please enter your name here