ງານ​ Agent​ and media Business matching ທີ່​ເກາະ​ສະໝຸຍ​ ຈັດຂື້ນໂດຍ Bangkok Airways​ ໄດ້ຮັບຄວາມສົນໃຈພໍສົມຄວນຈາກ ບໍລິສັດທ່ອງທ່ຽວຈາກ ປະເທດລາວ​ ງານຄັ້ງນີ້ແມ່ນມີຈຸດປະສົງເພື່ອໃຫ້ຜູ້ປະກອບການຈາກປະເທດອາຊຽນ ໄດ້ສົນທະນາ​ແລກປ່ຽນຄວາມຄິດຄວາມເຫັນທາງດ້ານການທ່ອງທ່ຽວ ເພື່ອ​ເປັນ​ການ​ແລກປ່ຽນຂໍ້ມູນທາງດ້ານການທ່ອງທ່ຽວ ໂດຍມີ​ 7​ ປະເທດອາຊຽນ​ຄື: ລາວ,​ ກຳປູເຈຍ,​ ມຽນມາ,​ ສິງກະໂປ,​ ຫວຽດນາມ,​ ຮົງກົງ ແລະ​ ມາເລເຊຍ​ ໃນນັ້ນແມ່ນມີ 10 ຜູ້ປະກອບດ້ານການທ່ອງທ່ຽວຈາກປະເທດລາວເຂົ້າຮ່ວມ ເພື່ອ​ແລກປ່ຽນ​ຂໍ້ມູນ​ເຊິ່ງ​ກັນ​ ແລະ​ ກັນ ນອກຈາກນີ້ຜູ້ປະກອບການທາງດ້ານການທ່ອງທ່ຽວຈາກທັງ7ປະເທດ​ ຍັງໄດ້ມີໂອກາດໂອ້ລົມສົນທະນາກັບ ຜູ້ປະກອບການທາງດ້ານບໍລິການໂຮງແຮມ ພ້ອມທັງຈັບຄູ່ເປັນຄູ່ຮ່ວມທຸລະກິດທີ່ດີໃນອະນາຄົດອີກດ້ວຍ


ທ່ານ​ ວະລົງ ອິດສະຣະເສນາ ນະອະຍຸດທະຍາ ຮອງກຳມະການຜູ້ອຳນວຍການໃຫ່ຍຝ່າຍຂາຍຂອງບໍລິສັດບາງກອກແອເວ

ທ່ານ​ ວະລົງ ອິດສະຣະເສນາ ນະອະຍຸດທະຍາ ຮອງກຳມະການຜູ້ອຳນວຍການໃຫ່ຍຝ່າຍຂາຍຂອງບໍລິສັດບາງກອກແອເວ ໄດ້ກ່າວວ່າ: ພວກເຮົາເຫັນວ່າອາຊຽນກໍເປັນຕະຫຼາດໃຫ່ຍ ແລະ​ ມີຂໍ້ອຳນວຍຄວາມສະດວກຫຼາຍໆຢ່າງ ແລະ​ ບັນດາປະເທດອາຊຽນເຫຼົ່ານີ້​ ກໍມີສັກກາຍະພາບທາງດ້ານເສດຖະກິດທີ່ດີ ຄືປະເທດລາວເສດຖະກິດ​ກໍນັບມື້ນັບຂະຫຍາຍໂຕຂື້ນ ແລະ​ ຕອນນີ້ສາຍການບິນຂອງພວກເຮົາ ຈາກວຽງຈັນ-ບາງກອກແມ່ນມີ​ 2 ຖ້ຽວ​ບິນ​ ແລະ ນັກທ່ອງທ່ຽວສາມາດມາຕໍ່ຍົນ ຈາກບາງກອກ-ສະໝຸຍ ໄດ້ຕະຫຼອດເພາະມີຖ້ຽວບິນ 20 ຖ້ຽວຕໍ່ມື້ ນອກຈາກນີ້ກໍຍັງມີນັກທ່ອງທ່ຽວຈາກ​ເອີລົບ​ ແລະ​ ຈາກຫຼາຍໆປະເທດ ກໍເດີນທາງໄປທ່ຽວຕໍ່ທີ່ປະເທດລາວ ແລະ​ ບັນດາປະເທດອາຊຽນ​ເຊັ່ນດຽວກັນ

LEAVE A REPLY

Please enter your comment!
Please enter your name here