ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

 

ພິທີເຊັນບົດບັນທຶກຄວາມເຂົ້າໃຈ ໂຄງການເກັບກໍາຂໍ້ມູນ, ສາຫຼວດ ແລະສຶກສາຄວາມເປັນໄປໄດ້ ໃນການລົງທຶນກໍ່ສ້າງໂຮງງານຜະລິດນໍ້າປະປາ 1 ແສນແມັດກ້ອນຕໍ່ມື້ ໃນຮູບແບບ BOT ເພື່ອມາສະໜອງນໍ້າເຂົ້າໃນເຂດນິຄົມອຸດສາຫະກໍາ ນະຄອນຫຼວງວຽງຈັນ ແລະໃຫ້ປະຊາຊົນອ້ອມຂ້າງເຂດດັ່ງກ່າວ ໄດ້ມີຂຶ້ນໃນວັນທີ 12 ມີນາ 2019 ລະຫວ່າງ ພະແນກແຜນການ ແລະການລົງທຶນ ກັບ ບໍລິສັດກໍ່ສ້າງ-ລົງທຶນ ແລະຖືຮຸ້ນ ແຂວງຢຸນນານ (ລາວ) ຈໍາກັດຜູ້ດຽວ ແລະບໍລິສັດ ລົງທຶນກິດຈະການຢຸນນານ (ຮົງກົງ) ຮຸ້ນສ່ວນ ຈໍາກັດ.

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ໂດຍປະຕິບັດຕາມຂໍ້ຕົກລົງຂອງທ່ານ ເຈົ້າຄອງນະຄອນຫຼວງວຽງຈັນ ສະບັບເລກທີ 0164/ຈນວ, ລົງວັນທີ 26 ກຸມພາ 2019 ວ່າດ້ວຍການມອບສິດໃຫ້ເຊັນບົດບັນທຶກຄວາມເຂົ້າໃຈ ເພື່ອເກັບກໍາຂໍ້ມູນ, ສໍາຫຼວດ ແລະສຶກສາຄວາມເປັນໄປໄດ້ ໃນການລົງທຶນກໍ່ສ້າງໂຮງງານຜະລິດນໍ້າປະປາ 1 ແສນແມັດກ້ອນຕໍ່ມື້ ໃນຮູບແບບ BOT ເພື່ອມາສະໜອງໃນເຂດນິຄົມອຸດສາຫະກໍາ ນະຄອນຫຼວງວຽງຈັນ ແລະໃຫ້ປະຊາຊົນອ້ອມຂ້າງເຂດດັ່ງກ່າວໄດ້ຊົມໃຊ້.

ໃຫ້ກຽດລົງນາມໃນພິທີ ຝ່າຍລາວມີ ທ່ານ ພູຂົງ ບັນນະວົງ ຫົວໜ້າ ພະແນກແຜນການ ແລະການລົງທຶນ ນະຄອນຫຼວງວຽງຈັນ, ທ່ານ ວັນເພັງ ອິນທະວົງ ຮອງເຈົ້າເມືອງໄຊທານີ, ທ່ານ ຄໍາເຜີຍ ວົງສາຄໍາຜຸຍ ຜູ້ອໍານວຍການ ລັດວິສາຫະກິດ ນໍາປະປານະຄອນຫຼວງວຽງຈັນ, ທ່ານ ຈ່າງ ໂຢຈົ້ວ ຜູ້ອໍານວຍການບໍລິສັດ ກໍ່ສ້າງ-ລົງທຶນ ແລະຖືຮຸ້ນ ແຂວງຢຸນນາ (ລາວ) ຈໍາກັດຜູ້ດຽວ, ທ່ານ ເສີນ ເສີງ ຫົວໜ້າພະແນກພັດທະນາການຕະຫຼາດຢູ່ຕ່າງປະເທດ, ບໍລິສັດ ກິດຈະການນໍ້າປະປາ ແຂວງຢຸນນານ (ຮົງກົງ) ຮຸ້ນສ່ວນ ຈໍາກັດ, ໂດຍມີທ່ານ ແກ້ວພິລາວັນ ອາໄພລາດ ຮອງເຈົ້າຄອງນະຄອນຫຼວງວຽງຈັນ  ແລະບັນດາການນໍາພັກ-ລັດ ຈາກພະແນກການອ້ອມຂ້າງນະຄອນຫຼວງວຽງຈັນ ແລະພາກສ່ວນກ່ຽວຂ້ອງເຂົ້າຮ່ວມເປັນສັກຂີພິຍານ.

 

LEAVE A REPLY

Please enter your comment!
Please enter your name here