ໃນຕອນບ່າຍຂອງ​ວັນທີ່​ 07​ ມີນາ​ 2019​ ທີງານ Top​ Thai Brands 2019 ໄດ້ມີການສຳມະນາແລກປ່ຽນຄວາມຄິດ​ຄວາມເຫັນກັນ ໃນເລື່ອງຂອງທຸລະກິດ ໃນຫົວຂໍ້​ “ປາແດກເງີນລ້ານ​ ຈາກຄົວເຮືອນ​ ສູ່ຄົວໂລກ”​ ເຊິ່ງໃນການສຳມະນາແມ່ນມີນັກທຸລະກິດຈາກປະເທດໄທ ແລະ​ ປະເທດລາວ ເຂົ້າຮ່ວມສຳມະນາແລກປ່ຽນຄວາມຄິດຄວາມເຫັນເຊິ່ງກັນແລະກັນ ໃນ​ເລື່ອງ​ຂອງການເຮັດນໍ້າປາແດກໃຫ້ມີຄຸນນະພາບ,​ ສະອາດ,​ ປອດໄພ ແລະ​ ໄດ້ຮັບຄວາມ​ນິຍົມ​ຈາກສັງຄົມ

ທ່ານ​ ນາງ​ ວິໄລ​ສິນ​ ເຕີນຕານ ເຈົ້າຂອງໂຮງງານນໍ້າປາແດກຮຸ່ງເຮືອງສິນ ໄດ້ກ່າວໃນບົດສຳມະນາຕອນຫນື່ງວ່າ: ຂ້າພະເຈົ້າເລີ່ມຕົ້ນເຮັດທຸລະກິດດ້ວຍຕົ້ນທຶນ​ພຽງແຕ່​ 10.000​ ກິບ​ ແລະ​ ໄຫ​ ພຽງຫນື່ງຫນ່ວຍເທົ່ານັ້ນ ແຕ່ຂ້າພະເຈົ້າກໍສາມາດສ້າງລາຍຮັບໄດ້ເປັນກອກເປັນກຳ​ ແລະ​ ກໍຍັງໄດ້ຮັບຄວາມນິຍົມຈາກສັງຄົມອິກດ້ວຍ.​

ທ່ານ​ ໄມ​ ພິລົມພອນ​ ເຈົ້າຂອງແບຣນນໍ້າປາແດກຊື່​ດັງຂອງໄທໃຫ້ຮູ້ວ່າ: ຂ້າພະເຈົ້າ​ເລີ່ມ​ຕົ້ນເຮັດນໍ້າປາແດກດ້ວຍຄວາມທີ່ຕ້ອງເອງມັກແຕ່ງກີນເອງຢູ່ແລ້ວ ແລະ​ ຂ້າພະເຈົ້າກໍໄດ້ລອງຜິດລອງຖືກ​ມາເປັນເວລາ 10 ກວ່າປີ ຈຶ່ງ​ກາຍມາເປັນປາແດກ ແຊບໄມ ໃນປະຈຸບັນ​ ແນ່ນອນວ່າການເຮັດສິນຄ້າໃຫ້ຄົນອື່ນນິຍົມ ສິນຄ້າຂອງເຮົາກໍຕ້ອງ ສະອາດ,​ ປອດໄພ,​ ແລະ​ ທີ່ສຳຄັນ​ລົດຊາດຕ້ອງແຊບ

ເຊິ່ງ​ໃນການສຳມະນາກໍໄດ້ຮັບຄວາມສົນໃຈຫລາຍຈາກຜູ້ທີ່ມາຮ່ວມຊົມ ເພາະນອກຈາກຈະໄດ້ຄວາມຮູ້ແລ້ວ ຍັງໄດ້ກຳລັງໃຈທີ່ຈະກັບໄປສ້າງທຸລະກິດຂອງໂຕເອງອິກດວ້ຍ​ ເພາະທັງສອງທ່ານ ກໍ​ເລີ່ມ​ຕົ້ນຈາກສິ່ງນ້ອຍໆ ກ່ອນຈະປະສົບຜົນສຳເລັດໄດ້.​

LEAVE A REPLY

Please enter your comment!
Please enter your name here