​ລາຍ​ງານ​ຈາກ ທ່ານ ສົມພິນ ອິນທະວົງ ຫົວໜ້າພາສີປະຈໍາດ່ານສາກົນ​ຂົວ​ມິດຕະພາບ​ນ້ຳ​ເຫືອງ​ລາວ ​ໃຫ້ຮູ້​ໃນ​ໂອກາດ​ທີ່ ທ່ານ ຫວູ ດັ່ງແມັງ ຫົວໜ້າກົງສູນໃຫຍ່ ສສ ຫວຽດນາມ ປະຈໍາພາກເໜືອຂອງ ລາວ ພ້ອມດ້ວຍຄະນະ ຢ້ຽມຢາມດ່ານດັ່ງກ່າວ​ເມື່ອ​ບໍ່​ດົນ​ນີ້​ວ່າ: ພາຍໃນ 10 ເດືອນສາມາດເກັບລາຍຮັບມອບເຂົ້າງົບປະມານໄດ້ ທັງໝົດ 255 ຕື້ກວ່າກີບ. ທຽບໃສ່ແຜນການ ປິີປະຕິບັດ ໄດ້ກວ່າ 97%, ຄາດວ່າຮອດທ້າຍເດືອນທັນວາ ປີ 2018 ຈະເກັບໃຫ້ໄດ້ລື່ນແຜນ 15% ຫລື ເທົ່າກັບ 300 ຕື້ກີບ.

ທ່ານ ສົມພິນ ອິນທະວົງ ຍັງ​ໃຫ້​ຮູ້​ອີກ​ວ່າ: ໃນໄລຍະ 10 ເດືອນຜ່ານມາ ມີສິນຄ້າສົ່ງອອກທັງໝົດມູນຄ່າ 75 ລ້ານກວ່າໂດລາ​ສະຫະລັດ, ນໍາເຂົ້າມູນຄ່າ​ເກືອບ 20 ລ້ານໂດລາສະຫະລັດ. ມີຄົນອອກທັງໝົດ 100.000 ກວ່າເທື່ອຄົນ, ຄົນຕ່າງປະເທດເຂົ້າ 34.000 ກວ່າເທື່ອຄົນ, ພາຫະນະອອກ 12.000 ກວ່າເທື່ອຄັນ, ພາຫະນະຕ່າງປະເທດເຂົ້າ 14.000 ກວ່າເທື່ອຄັນ. ອອກວີຊາກັບດ່ານໃຫ້ຄົນຕ່າງປະເທດ 1.000 ກວ່າຄົນ.
#insidelaos
Cr.KPL

LEAVE A REPLY

Please enter your comment!
Please enter your name here