ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ


ທ່ານວັດທະນາ ພຸດຊາດ ຜູ້ວ່າລາຊະການຈັງຫວັດອຸດອນທານີ ໃຫ້ການຕ້ອນຮັບຄະນະຈາກສາທາລະນະລັດສັງຄົມນິຍົມຫວຽດນາມ ແລະສາທາລະນະລັດ ປະຊາທິປະໄຕ ປະຊາຊົນລາວ ໃນການເດີນທາງມາປະຊຸມຄວາມຮ່ວມມືດ້ານການທ່ອງທ່ຽວເຊື່ອມໂຍງມໍລະດົກໂລກ (ອຸດອນ,ຫຼວງພະບາງ,ກວາງນິງ) ປະຈຳປີ 2018-2019 ທີ່ຈັງຫວັດອຸດອນ ທີ່ຫ້ອງປະຊຸມວີທີແໜມເນືອງ. ກ່ອນຈະມອບໝາຍໃຫ້ ທ່ານ ສິທິໄຊ ຈິນດາຫຼວງ ຮອງຜູ້ວ່າລາຊະການຈັງຫວັດອຸດອນ ນຳຄະນະຕົວແທນຈາກປະເທດໄທ ຮ່ວມປະຊຸມວາງແຜນຄວາມຮ່ວມມືໃນການບໍລິຫານຈັດການຂໍ້ມູນດ້ານການທ່ອງທ່ຽວ ສົ່ງເສີມກິດຈະກຳການທ່ອງທ່ຽວ ແລະສົ່ງເສີມການຕະຫຼາດການທ່ອງທ່ຽວສາມຫຼ່ຽມມໍລະດົກໂລກຮ່ວມກັນ ຕາມຄວາມຮ່ວມມືລະຫວ່າງຈັງຫວັດອຸດອນທານີ ປະເທດໄທ, ແຂວງຫຼວງພະບາງ ສປປລາວ ແລະແຂວງກວາງນິງ ສາທາລະນະລັດສັງຄົມນິຍົມຫວຽດນາມ.


ໃນການເຮັດແຜນງານໃນການບໍລິຫານຂໍ້ມູນດ້ານການທ່ອງທ່ຽວສາມຫຼ່ຽມມໍລະດົກໂລກໃນເທື່ອນີ້ ມີ ຂໍູ້ນໃນການຕິດຕໍ່ປະສານງານຂອງແຕ່ລະປະເທດ, ການຈັດປະຕິທິນການທ່ອງທ່ຽວຮ່ວມກັນ, ການສະໜັບສະໜຸນການຮ່ວມມືຂອງພາກເອກະຊົນດ້ານການທ່ອງທ່ຽວ ເຊັ່ນ: ການຈັດຕັ້ງສະມາຄົມທຸລະກິດທ່ອງທ່ຽວສາມຫຼ່ຽມມໍລະດົກໂລກ ແລະຈັດການເສັ້ນທາງທ່ອງທ່ຽວສາມຫຼ່ຽມມໍລະດົກໂລກ ຕະຫລອດຮອດການສະໜັບສະໜູນການຈັດແພັກເກັດທົວຮ່ວມກັນ, ການແລກປ່ຽນຂໍ້ມູນດ້ານການບໍລິຫານຈັດການທ່ອງທ່ຽວ ລະຫວ່າງ 3 ຝ່າຍ ເຊັ່ນ ການເຮັດສະຖິຕິນັກທ່ອງທ່ຽວ ນະໂຍບາຍການພັດທະນາການທ່ອງທ່ຽວ ແລະຊ່ອງທາງໂອກາດໃນການລົງທຶນ.


ນອກຈາກນີ້, ໃນສ່ວນຂອງການສົ່ງເສີມກິດຈະກຳການທ່ອງທ່ຽວສາມຫຼ່ຽມມໍລະດົກໂລກຮ່ວມກັນ ຈະສົ່ງຜູ້ແທນຂອງຕົນເຂົ້າຮ່ວມງານປະຈຳປີຂອງແຕ່ລະຝ່າຍ ການແລກປ່ຽນທາງວັດທະນະທຳ ໂດຍການສົ່ງຄະນະນາດຕະສິນໄປຮ່ວມສະແດງໃນງານປະຈຳປີຂອງແຕ່ລະຝ່າຍ ລວມເຖິງການແລກປ່ຽນປະສົບການດ້ານການທ່ອງທ່ຽວໂດຍຊຸມຊົນ, ການພັດທະນາບຸກຄະລະກອນ, ການພັດທະນາຜະລິດຕະພັນ, ສິນຄ້າ ແລະບໍລິການທ່ອງທ່ຽວຮ່ວມກັນ ການສົ່ງເສີມການຄ້າ, ການລົງທຶນ ແລະການອຳນວຍຄວາມສະດວກໃຫ້ແກ່ນັກລົງທຶນດ້ານທຸລະກິດທ່ອງທ່ຽວ ແລະດ້ານອື່ນໆ ເຊັ່ນ ເວບໄຊ, ສື່ສັງຄົມອອນໄລ, ສື່ສິ່ງພິມ ແລະແຜ່ນໂປສເຕີ ເປັນຕົ້ນ.

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ


ການປະຊຸມຄວາມຮ່ວມມືດ້ານການທ່ອງທ່ຽວເຊື່ອມໂຍງມໍລະດົກໂລກ ປະຈຳປີ 2018-2019 ຈະມີຂຶ້ນຢ່າງເປັນທາງການໃນມື້ນີ້ ທີ່ໂຮງແຮມເຊນທາຣາ ຈັງຫວັດອຸດອນທານີ.

LEAVE A REPLY

Please enter your comment!
Please enter your name here