ທ້າຍອາທິດຜ່ານມານີ້, ສະຖານເອກອັກຄະລັດຖະທູດ ສປ ຈີນ ປະຈຳລາວ ໄດ້ມອບທຶນການສຶກສາ 25 ທຶນ ມູນຄ່າ 25.000 ໂດລາສະຫະລັດ ໃຫ້ນັກສຶກສາມະຫາ ວິທະຍາໄລແຫ່ງຊາດ ປີ 1 ຈຳນວນ 25 ຄົນ, ຜູ້ທີ່ມີຜົນການຮຽນລະດັບເກັ່ງ, ມີການປະພຶດດີ, ຖານະຄອບຄົວທຸກຍາກ ແລະ ມາຈາກຕ່າງແຂວງ.

ພິທີມອບທຶນດັ່ງກ່າວ, ໄດ້ຈັດຂຶ້ນທີ່ມະຫາວິທະຍາໄລແຫ່ງຊາດ ມອບໂດຍ ທ່ານ ຈ່ຽງ ຈ້າຍຕົງ ເອກອັກຄະລັດຖະທູດ ສປ ຈີນ ປະຈຳ ສປປ ລາວ ແລະ ກ່າວຮັບ ຕ່າງໜ້ານັກສຶກສາ, ໂດຍ ທ່ານ ສົມສີ ຍໍພັນໄຊ ວ່າການອະທິການບໍດີ ມະຫາວິທະຍາໄລແຫ່ງຊາດ, ມີບັນດາຄະນະບໍດີ, ຄູອາຈານ ແລະ ພະນັກງງານວິຊາການ ທັງສອງຝ່າຍເຂົ້າຮ່ວມ.

ປີນີ້, ມີຜູ້ສະໝັກທຶນທັງໝົດ 124 ຄົນ, ຄັດເລືອກເຂົ້າສຳພາດ 35 ຄົນ ແລະ ເອົາພຽງ 25 ຄົນ. ທຶນການສຶກສາ ທີ່ສະຖານເອກອັກຄະລັດ ຖະທູດມອບໃຫ້ຄັ້ງນີ້, ແມ່ນເປັນເງິນສົດ ໂດຍຈະມອບໃຫ້ນັກສຶກສາ ເດືອນລະ 200.000 ກີບ ເພື່ອນຳໃຊ້ເຂົ້າໃນການ ສຶກສາຮ່ຳຮຽນຕະຫລອດໄລຍະ 4 ປີ. ໃນໄລຍະຜ່ານມາ, ມີນັກສຶກສາທີ່ໄດ້ຮັບທຶນ ການສຶກສາຈາກສະຖານທູດ ສປ ຈີນ ຈຳ ນວນ 207 ຄົນ, ໃນນັ້ນໄດ້ຈົບການສຶກສາໄປແລ້ວ ແລະ ປັດຈຸບັນ ນັກສຶກສາປີ 1 ທີ່ໄດ້ຮັບທຶນມື້ນີ້ ມີ 25 ທຶນ, ປີ 2 ມີ 50 ຄົນ, ປີທີ 3 ມີ 50 ຄົນ ແລະ ປີທີ 4 ມີ 50 ຄົນ.
#insidelaos
#ອິນໄຊລາວ
Cr.KPL

LEAVE A REPLY

Please enter your comment!
Please enter your name here