ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ມື້ນີ້,ທີ່ຄະນະຊາວໜຸ່ມ ກະຊວງການຕ່າງປະເທດ ໄດ້ຈັດຕັ້ງກອງປະຊຸມສຳມະນາວິທະຍາສາດ ກ່ຽວກັບການເຄື່ອນໄຫວ ການທູດຂອງ ສປປ ລາວ ໃນເວທີພາກພື້ນ ແລະ ສາກົນ ໃນໄລຍະຜ່ານມາ.

​ທ່ານ ອານຸພາບ ວົງໜໍ່ແກ້ວ ກຳມະການສູນກາງຊາວໜຸ່ມ ປະຊາຊົນປະຕິວັດລາວ, ເລຂາຄະນະບໍລິຫານງານຊາວໜຸ່ມ ກະຊວງການຕ່າງປະເທດ ໄດ້ຍົກໃຫ້ເຫັນ ຜົນສຳເລັດ ແລະ ຄວາມສຳຄັນຂອງການເຄື່ອນໄຫວການທູດ ຂອງ ສປປ ລາວ ໃນໄລຍະຜ່ານມາ ຈົນເຖິງ ປັັດຈຸບັນ ພາຍໃຕ້ການປະຕິບັດນະໂຍບາຍ ການຕ່າງປະເທດຂອງພັກ ແລະ ລັດຖະບານທີ່ຖືກຕ້ອງ ແລະ ສອດຄ່ອງກັບການປ່ຽນແປງ ສະພາບການຂອງໂລກ ແລະ ພາກພື້ນ ໃນແຕ່ລະໄລຍະ, ແນໃສ່ສ້າງເງື່ອນໄຂ, ສະພາບແວດລ້ອມທີ່ ເອື້ອອຳນວຍຄວາມສະດວກ ໃຫ້ແກ່ການປົກປັກຮັກສາ ແລະ ສ້າງສາພັດທະນາປະເທດຊາດໃຫ້ຈະເລີນຮຸ່ງເຮືອງ.

ກອງປະຊຸມໄດ້ຄົ້ນຄ້ວາ, ນຳສະເໜີ ແລະ ແລກປ່ຽນຄຳຄິດເຫັນ ກ່ຽວກັບບາງບັນຫາທີ່ພົ້ນເດັ່ນຂອງສາກົນ ແລະ ພາກພື້ນໃນປັດຈຸບັນ, ເພື່ອເຮັດ ໃຫ້ຜູ້ເຂົ້າຮ່ວມ ກໍຄືພະນັກງານຮຸ່ນສືບທອດໄດ້ຮັບຮູ້ ແລະ ເຂົ້າໃຈຢ່າງຖືກຕ້ອງ ກ່ຽວກັບບັນຫາຕ່າງໆ ທີ່ເກີດຂຶ້ນໃນໂລກ ແລະ ພາກພື້ນ.

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

Cr.KPL

LEAVE A REPLY

Please enter your comment!
Please enter your name here