ໃນໄລຍະຜ່ານມາ, ຂະແໜງອຸດສາຫະກໍາ ແລະ ການຄ້າ ໃນທົ່ວແຂວງ ໄຊຍະບູລີ ໄດ້ເຄື່ອນໄຫວຈັດຕັ້ງ ປະຕິບັດວຽກງານຄຸ້ມຄອງ, ຕິດຕາມ, ກວດກາລາຄາສິນຄ້າ ແລະ ຄ່າບໍລິການຕ່າງໆ ຢູ່ໃນທ້ອງຕະຫລາດ ເປັນປົກກະຕິ ເຊິ່ງເຫັນວ່າລາຄາສິນຄ້າທຸກປະເພດ ຍັງຢູ່ໃນສະພາບ ປົກກະຕິ ແລະ ສາມາດຄຸ້ມຄອງໄດ້ໃນລະດັບທີ່ດີ.


ທ່ານ ປອ ວາລະໄຊ ເລັ່ງສະຫວັດ ຫົວໜ້າພະແນກ ອຸດສາຫະກໍາ ແລະ ການຄ້າ ແຂວງ ໄຊຍະບູລີ ໄດ້ກ່າວລາຍງານຕໍ່ກອງປະຊຸມ ສະໄໝສາມັນເທື່ອທີ 5 ຂອງສະພາ ປະຊາຊົນ ແຂວງ ຊຸດທີ I ໃນວັນທີ 2 ສິງຫານີ້ວ່າ: ການຄຸ້ມ ຄອງລາ ຄາສິນຄ້າ ແລະ ຄ່າບໍລິການຕ່າງໆ ໂດຍສະເພາະການຄຸ້ມ ຄອງໂຄງສ້າງລາຄາ ຕົ້ນທຶນສິນຄ້າຄວບຄຸມ ເຊັ່ນ: ນໍ້າມັນ, ເຂົ້າ, ຊີ້ນໝູ ແລະ ປາ ແມ່ນມີສະຖຽນ ລະພາບ, ເໜັງຕີງຕາມກົນໄກຕະຫລາດ ແລະ ຕາມລະດູເຊິ່ງມີທັງໝົດ 199 ລາຍການ. ດ້ວຍເຫດນີ້, ພະແນກ ອຸດສາຫະກໍາ ແລະ ການຄ້າ ແຂວງ ໄດ້ເພີ່ມທະວີການ ຄຸ້ມຄອງລາຄາສິນຄ້າ ແລະ ບໍລິການ, ພ້ອມທັງສືບຕໍ່ເປັນເຈົ້າການລະດົມ, ຊຸກຍູ້ ຜູ້ປະກອບການ ສະໜອງສິນຄ້າປະເພດ ສະບຽນອາຫານທີ່ຈໍາເປັນ ໃຫ້ພຽງພໍກັບຄວາມຕ້ອງ ການຂອງຜູ້ບໍລິໂພກ.

Cr. http://kpl.gov.la/detail.aspx?id=37828

LEAVE A REPLY

Please enter your comment!
Please enter your name here